خیبرپختونخوا میں انوکھی واردات،چور بجلی کی ٹرانسمیشن لائن لے اٴْڑے

11 کے وی کی قیمتی بجلی کی لائن چوری ہونے کے سبب 40 سے زائد علاقے بجلی سے محروم ہو گئے

منگل 22 جولائی 2025 13:26

پشاور(اُردو پوائنٹ اخبارتازہ ترین - این این آئی۔ 22 جولائی2025ء)خیبر پختونخوا میںچور بجلی کی ٹرانسمیشن لائن ہی لے اٴْڑے۔رپورٹ کے مطابق پشاور میں موٹروے ناردرن بائی پاس کے قریب بجلی کی ٹرانسمیشن لائن کی انوکھی چوری نے حکام کو حیران کر دیا، جہاں نامعلوم چور 11 ہزار Kv کی قیمتی بجلی کی لائن چرا کر لے گئے، جس کے باعث دوران پور فیڈر سے بجلی کی ترسیل مکمل طور پر بند ہوگئی۔

(جاری ہے)

واقعے کے بعد 40 سے زائد علاقے بجلی سے محروم ہو گئے ۔حکام کے مطابق چوری کی واردات کے بعد علاقے میں بڑے پیمانے پر لوڈشیڈنگ کا سامنا ہے، جب کہ بجلی کی بحالی اور مرمتی کاموں کی وجہ سے تاخیر کا امکان ہے۔دریں اثنا پولیس اور متعلقہ ادارے ملزمان کی گرفتاری کے لیے واقعے کی تحقیقات میں مصروف ہیں۔