دورہِ آئرلینڈ،پاکستان ویمنز کرکٹ ٹیم کے 15 رکنی اسکواڈ کا اعلان

آئر لینڈ کیخلاف 3 ٹی 20 میچز پر مشتمل سیریز میں قومی ٹیم کی قیادت فاطمہ ثنا کریں گی

بدھ 23 جولائی 2025 21:04

دورہِ آئرلینڈ،پاکستان ویمنز کرکٹ ٹیم کے 15 رکنی اسکواڈ کا اعلان
لاہور(اُردو پوائنٹ اخبارتازہ ترین - این این آئی۔ 23 جولائی2025ء)دورہ آئرلینڈ کے لیے پاکستان ویمنز کرکٹ ٹیم کا اعلان کردیا گیا، ائر لینڈ کیخلاف 3 ٹی 20 میچز پر مشتمل سیریز میں قومی ٹیم کی قیادت فاطمہ ثنا کریں گی۔ویمنز نیشنل سلیکشن کمیٹی نے دورہِ آئرلینڈ کے لیے قومی اسکواڈ کا انتخاب ویمنز اسکلز کیمپ میں شریک 24 کھلاڑیوں میں سے کیا، انڈر 19 ورلڈکپ 2023 میں پاکستان کی نمائندگی کرنے والی ایمان فاطمہ کو بھی ویمنز ٹیم میں شامل کیا گیا ہے۔

(جاری ہے)

پاکستان کرکٹ بورڈ (پی سی بی) کے اعلامیے کے مطابق قومی اسکواڈ میں عالیہ ریاض، ڈیانا بیگ، ایمان فاطمہ، گل فیروزا، منیبہ علی، نجیحہ علوی (وکٹ کیپر) شامل ہیں۔نشرہ سندھو، نتالیہ پرویز، رمین شمیم، صدف شمس، سعدیہ اقبال، سدرہ امین، طوبیٰ حسن اور وحیدہ اختر بھی 15 رکنی اسکواڈ کا حصہ ہیں۔پاکستان ویمنز کرکٹ ٹیم آئرلینڈ روانگی سے قبل کراچی میں پری سیریز کیمپ میں شرکت کرے گی، جبکہ آئرلینڈ کے خلاف ٹی 20 سیریز 6 سے 10 اگست تک ڈبلن میں کھیلی جائے گی۔