کراچی، سفاک شوہر نے بیوی کا گلہ کاٹ کر قتل کردیا

مقتولہ خاتون کوسوتے ہوئے اس کے شوہرشعیب نے پہلے سرپر پتھرمارا

جمعرات 24 جولائی 2025 21:20

کراچی(اُردو پوائنٹ اخبارتازہ ترین - این این آئی۔ 24 جولائی2025ء)اورنگی ٹاون فرنٹیئرکالونی میں شوہرنے تشدد کا نشانہ بنانے کے بعد تیزدھارآلہ کی مدد سیگردن پروارکرکے بیوی کوقتل کردیا اورموقع پرسے فرارہوگیا۔رپورٹ کے مطابق جمعرات کی صبح پیرآباد تھانے کے علاقے اورنگی ٹاون فرنٹیئر کالونی صبحان مسجد سیڑھی بابا مزار کے قریب گھر سے خاتون کی تشدد زدہ اور گلا کٹی لاش ملی ہے۔

لاش ملنے کی اطلاع پر پولیس موقع پرپہنچ گئی اور پولیس نے خاتون کی لاش کو چھیپا ایمبولینس کے ذریعے عباسی شہید اسپتال منتقل کردیا۔خاتون کی شناخت ملکیات بی بی زوجہ شعیب کے نام سے کی گئی مقتولہ 7 بچوں کی ماں تھی۔ایس ایچ او پیرآباد انیس الرحمان نے بتایا کہ مقتولہ خاتون کوسوتے ہوئے اس کے شوہرشعیب نے پہلے سرپر پتھرمارا اور پھر تیز دھار آلہ کی مدد سے گردن پر وار کرکے قتل کردیا۔

(جاری ہے)

بیوی کو قتل کرنے کے بعد ملزم شعیب موقع پرسے فرارہونے میں کامیاب ہوگیا۔انھوں نے بتایا کہ ملزم شوہر فروٹ کا ٹھیلا لگاتا ہے ابتدائی تفتیش کے دوران خاتون کے قتل کی وجہ غربت کے باعث گھریلو جگھڑے معلوم ہوتے ہیں۔انھوں نے بتایاکہ پولیس نے جائے وقوع سے شواہد اکٹھا کرکے واقعے کی تفتیش شروع کردی ہے اور مفرر شوہر کی گرفتاری کیلیے چھاپے مارے جا رہے ہیں۔