پراپرٹی اور ہاؤسنگ سیکٹر فراڈ کی روک تھام اور شفاف خرید و فروخت کیلئے جدید ترین آن لائن نظام تیار

نئے سسٹم سے فراڈ اور جعلسازی کا خاتمہ ممکن ہو سکے گا اور پورے پاکستان کے پلاٹس کا ریکارڈ ڈیجیٹل پورٹل پر ہوگا، پلاٹ یا سوسائٹی کی قانونی حیثیت ، این او سی، نقشہ، مالکان کی تفصیلات، تصدیق شدہ رپورٹ خرید و فروخت کیلئے استعمال ہو گی

فیصل علوی جمعہ 25 جولائی 2025 12:23

پراپرٹی اور ہاؤسنگ سیکٹر فراڈ کی روک تھام اور شفاف خرید و فروخت کیلئے ..

اسلام آباد(اردوپوائنٹ اخبار تازہ ترین۔25جولائی 2025)قومی احتساب بیورو نے ملک بھر میں پراپرٹی اور ہاؤسنگ سیکٹر فراڈ کی روک تھام اور شفاف خرید و فروخت کیلئے جدید ترین آن لائن نظام تیار کر لیا، نئے سسٹم سے فراڈ اور جعلسازی کا خاتمہ ممکن ہو سکے گا اور پورے پاکستان کے پلاٹس کا ریکارڈ ڈیجیٹل پورٹل پر ہوگا، پلاٹ یا سوسائٹی کی قانونی حیثیت، این او سی، نقشہ، مالکان کی تفصیلات، تصدیق شدہ رپورٹ خرید و فروخت کیلئے استعمال ہو گی۔

چیئرمین نیب جلد اس آن لائن نظام کا افتتاح کریں گے۔ یہ جدید تریں الٹرا ماڈرن لیک پروف آن لائن سسٹم نیب اسلام آباد/ راولپنڈی کے ڈائریکٹرجنرل نے اپنی ٹیم کے ساتھ مل کر تیار کیا ہے جس کے ذریعے ملک بھر کے تمام پلاٹس کا ریکارڈ ایک ہی ڈیجیٹل پلیٹ فارم پر دستیاب ہوگا۔

(جاری ہے)

نیب حکام کا کہنا ہے کہ پورے پاکستان کے پراپرٹی کا مکمل ریکارڈ اس ڈیجیٹل پورٹل پر موجود ہوگا اور صرف پلاٹ نمبر کے ذریعے کسی بھی پلاٹ کی تصدیق کرکے قانونی دستاویز کے طور خرید و فروخت کیلئے استعمال کیا جا سکے گا۔

نیب کے مطابق اس سسٹم کا مقصد نا صرف شہریوں کو جعلسازی سے بچانا ہے بلکہ ہاؤسنگ سکیمز میں اوور سیلنگ، جعلی فائلز، اور غیر قانونی زمینوں کی خرید و فروخت جیسے سنگین جرائم کا خاتمہ بھی ہے۔ ذرائع کے مطابق اس سسٹم کے ذریعے ہر شہری کو یہ سہولت حاصل ہوگی کہ وہ کسی بھی پلاٹ یا ہاؤسنگ سوسائٹی کی قانونی حیثیت، این او سی، نقشہ، اور اصل مالکان سے متعلق تفصیلات صرف چند کلکس میں حاصل کر سکے گا۔

نیب حکام کا کہنا ہے کہ یہ نظام اتنا وسیع اور ہمہ گیر ہوگا کہ پورے پاکستان کے پلاٹس کا مکمل ریکارڈ اس ڈیجیٹل پورٹل پر موجود ہوگا۔ عوام صرف پلاٹ نمبر کے ذریعے کسی بھی پلاٹ کی تصدیق کر سکیں گے اور سسٹم سے جاری ہونے والی تصدیق شدہ رپورٹ کو خرید و فروخت کیلئے قانونی دستاویز کے طور پر استعمال کیا جا سکے گا۔ اس سسٹم کا مقصد ناصرف شہریوں کو جعلسازی سے بچانا ہے بلکہ ہاؤسنگ سکیمز میں اوور سیلنگ، جعلی فائلز، اور غیر قانونی زمینوں کی خرید و فروخت جیسے سنگین جرائم کا خاتمہ بھی ہے۔

ترجمان نیب نے کہا کہ یہ نظام جلد عوام کیلئے دستیاب ہوگا اور اس کی بدولت پلاٹ خریدنے یا بیچنے سے پہلے مکمل تصدیق ممکن ہو سکے گی۔ نیب کے مطابق یہ پلیٹ فارم قانون نافذ کرنے والے اداروں، ریگولیٹری اتھارٹیز، اور عام شہریوں کیلئے ایک موثر ٹول ثابت ہوگا جس سے ہاؤسنگ سیکٹر میں شفافیت اور اعتماد کو فروغ ملے گا۔