بھارت نے عالمی پابندیوں کو نظر انداز کردیا

خفیہ طور پر روس کو ہتھیاروں میں استعمال ہونے والا خطرناک دھماکہ خیز کیمیکل ’’ایچ ایم ایکس‘‘ فروخت، یوکرینی شہریوں پر برسنے والے میزائلوں اور راکٹوں میں استعمال ہو رہا ہے

جمعہ 25 جولائی 2025 20:31

ماسکو، ممبئی(اُردو پوائنٹ اخبارتازہ ترین - آن لائن۔ 25 جولائی2025ء)بھارت نے عالمی پابندیوں کو نظر انداز کرتے ہوئے خفیہ طور پر روس کو ہتھیاروں میں استعمال ہونے والا خطرناک دھماکہ خیز کیمیکل ’’ایچ ایم ایکس‘‘ فروخت کیا ہے، جو یوکرینی شہریوں پر برسنے والے میزائلوں اور راکٹوں میں استعمال ہو رہا ہے۔ غیر ملکی خبررساں ادارے کے مطابق دسمبر میں بھارتی کمپنی ’’آئیڈیل ڈیٹونیٹرز پرائیویٹ لمیٹڈ‘‘ (Ideal Detonators Pvt Ltd) نے تقریباً 14 لاکھ ڈالر مالیت کا ایچ ایم ایکس روس بھیجا۔

حیرت انگیز طور پر یہ مواد دو ایسی روسی کمپنیوں کو فراہم کیا گیا، جن کے براہِ راست تعلقات روسی دفاعی صنعت سے ہیں۔ ان میں سے ایک کمپنی ’’Promsintez‘‘ وہی ادارہ ہے جس پر حال ہی میں یوکرین نے ڈرون حملہ کیا تھا۔

(جاری ہے)

یاد رہے کہ ایچ ایم ایکس ایک ایسا دھماکہ خیز مواد ہے جو میزائلوں، ٹارپیڈوز، راکٹ موٹروں اور جدید فوجی ہتھیاروں میں استعمال ہوتا ہے۔

امریکی وزارتِ دفاع اسے روسی جنگی مشین کے لیے ’’انتہائی اہم‘‘ قرار دے چکی ہے، اور کسی بھی ملک کو اس کے لین دین سے سختی سے منع کیا گیا ہے۔بھارتی کسٹمز کے ریکارڈ اور ایک سرکاری اہلکار کی تصدیق کے مطابق، دونوں کھیپیں روس کے شہر سینٹ پیٹرز برگ میں اتاری گئیں۔رپورٹ کے مطابق، پہلی کھیپ، جس کی مالیت 4 لاکھ 5 ہزار ڈالر تھی، روسی کمپنی ’’High Technology Initiation Systems‘‘ (HTIS) نے خریدی، جبکہ دوسری کھیپ، جو 10 لاکھ ڈالر سے زائد کی تھی، ’’Promsintez‘‘ نامی کمپنی نے وصول کی۔

دونوں کمپنیاں روس کے جنوبی علاقے سمارا اوبلاست میں واقع ہیں، جو قازقستان کی سرحد کے قریب ہے۔ایچ ٹی آئی ایس نے اپنی ویب سائٹ پر اعتراف کیا ہے کہ وہ دھماکہ خیز مواد کی تیاری کرتی ہے جو زمین دوز اور زمینی تعمیراتی منصوبوں میں استعمال ہوتا ہے۔ اس کمپنی کا دعویٰ ہے کہ یہ اسپین کی کمپنی ’’Maxam‘‘ کی ذیلی کمپنی ہے، جس پر امریکی سرمایہ دار ادارہ ’’Rhone Capital‘‘ کا کنٹرول ہے۔

Facebook Twitter Google + Share on Whatsapp

بھارت نے عالمی پابندیوں کو نظر انداز کردیا

متعلقہ عنوان :

مزید بین الاقوامی خبریں