Live Updates

صوبہ بھر میں گراں فروشوں کیخلاف کریک ڈائون جاری،5619افراد گرفتار، مقدمات درج

ہفتہ 26 جولائی 2025 01:10

لاہور (اُردو پوائنٹ اخبارتازہ ترین - اے پی پی۔ 26 جولائی2025ء) صوبہ بھر میں گراں فروشوں کیخلاف بھرپور کریک ڈائون جاری ،گزشتہ 24 گھنٹوں کے دوران 6 لاکھ 40 ہزار سے زائد مقامات کی چیکنگ،گراں فروشی پر 28 ہزار سے زائد دکانداروں کو جرمانے اور نوٹسز جاری کیے گئے۔ سیکرٹری پرائس کنٹرول ڈاکٹر احسان بھٹہ کے مطابق 5 ہزار 619 افراد گرفتار اور35 افراد کیخلاف مقدمات درج کروائے گئے۔

(جاری ہے)

انہوں نے بتایا کہ32 ہزار 297 چکن شاپس کی چیکنگ کے دوران 1186 افراد گراں فروشی کے مرتکب پائے گئے،42 افراد گرفتار اور1 لاکھ 32 ہزار کے جرمانے عائد کیے، علاہ ازیں چینی کے مقرر کردہ نرخوں سے زائد فروخت پر 3345 افراد کیخلاف کارروائیاں کی گئیں اور مصنوعی مہنگائی کرنے پر 191 افراد گرفتار،24 افراد کیخلاف مقدمات درج کروائے گئے۔ سیکرٹری پرائس کنٹرول کا کہنا تھا کہ وزیر اعلی پنجاب کی ہدایت پر گراں فروشوں کیخلاف زیر ٹالرینس پالیسی کے تحت کام کر رہے ہیں۔انہوں نے کہا کہ تمام اضلاع کے پرائس کنٹرول مجسٹریٹس مقررہ نرخوں کی خلاف ورزی کرنے پر کارروائیاں کر رہے ہیں۔