پشاور اجلاس میں عدم شرکت پر ملاکنڈ ڈویژن کے 7 ایم پی ایز کو وارننگ جاری

ایم پی ایز میں شکیل خان، علی شاہ، شرافت علی، فخر جہان، ڈاکٹر امجد، سلطان روم اور سہیل سلطان شامل

اتوار 27 جولائی 2025 11:20

پشاور(اُردو پوائنٹ اخبارتازہ ترین - این این آئی۔ 27 جولائی2025ء) 5 اگست کیلئے طلب کئے گئے اجلاس میں شرکت نہ کرنے پر ملاکنڈ ڈویژن کے 7 ایم پی ایز کو وارننگ جاری کر دی گئی۔ پاکستان تحریک انصاف کے صوبائی جنرل سیکرٹری علی اصغر خان کی جانب سے وارننگ دی گئی۔

(جاری ہے)

اجلاس میں شرکت نہ کرنے والوں میں شکیل خان، علی شاہ، شرافت علی، فخر جہان، ڈاکٹر امجد، سلطان روم اور سہیل سلطان شامل ہیں۔

پارٹی ذرائع کے مطابق مستقبل میں ایسی کوتاہی برتنے والے اراکین کے خلاف سخت کارروائی کا فیصلہ کیا گیا ہے۔پی ٹی آئی قیادت نے اس اقدام کو پارٹی نظم و ضبط کی بحالی کیلئے ضروری قرار دیتے ہوئے کہا ہے کہ تمام اراکین اسمبلی کو آئندہ اجلاسوں میں شرکت کو یقینی بنانا ہوگا، ورنہ تادیبی اقدامات کا سامنا کرنا پڑے گا۔