واہگہ ٹائون میں پیرافورس پر قبضہ گروپ کا حملہ، 2 افراد گرفتار

پولیس کے پہنچنے پر دھاوا بولنے والے افراد کی اکثریت موقع سے فرار ہو گئی

اتوار 27 جولائی 2025 13:30

لاہور(اُردو پوائنٹ اخبارتازہ ترین - این این آئی۔ 27 جولائی2025ء)لاہور کے علاقے واہگہ ٹائون میں قائداعظم انٹرچینج کے قریب غیر قانونی کمرشل بلڈنگز کے خلاف کارروائی کے دوران قبضہ مافیا نے پیرافورس اہلکاروں پر حملہ کر دیا۔

(جاری ہے)

ذرائع کے مطابق حملے کے بعد اسسٹنٹ کمشنر شالیمار نے فوری طور پر پولیس کو طلب کر لیا جس پر پولیس کی کارروائی میں دو افراد کو اسلحہ سمیت گرفتار کر لیا گیا۔

پولیس کے پہنچنے پر دھاوا بولنے والے افراد کی اکثریت موقع سے فرار ہو گئی۔ذرائع کی جانب سے بتایا گیا ہے کہ مذکورہ علاقے میں غیر قانونی طور پر کمرشل عمارتیں تعمیر کی جا رہی تھیں۔زون افسر نے قبضہ گروپ کے خلاف دہشتگردی کی دفعات کے تحت مقدمہ درج کرنے کی درخواست بھی دے دی ہے اور پولیس کی جانب سے مزید کارروائی جاری ہے۔