آزاد کشمیر کی قدیم دینی درسگاہ مدرسہ فیض القرآن بیس بگلہ کا 65 واں سالانہ اجتماع 22 اگست کو شروع ہوگا

مشاورتی عمل کے بعد حتمی تاریخ طے کی گئی، اجلاس میں گائوں گائوں کمیٹیاں بھی تشکیل دے کر ذمہ داریاں سونپ دی گئیں

اتوار 27 جولائی 2025 13:30

باغ(اُردو پوائنٹ اخبارتازہ ترین - این این آئی۔ 27 جولائی2025ء)مدرسہ فیض القرآن بیس بگلہ کا 65 واں سالانہ اجتماع 22اگست کو شروع ہوگا اجلاس میں فیصلہ ۔۔

(جاری ہے)

آزاد کشمیر کی قدیم معروف دینی درسگاہ مدرسہ دارالعلوم فیض القرآن بیس بگلہ باغ آزاد کشمیر کے زیر اہتمام 65واں سالانہ دو روزہ تبلیغی اجتماع بروز ہفتہ مورخہ 22 اگست 2025سے شروع ہو رہا ہے اس بات کا اعلان مدرسہ کی مجلس شوری نے ایک ہم اجلاس میں کیا اجلاس میں مہتمم ادارہ ناظم ادارہ اراکین مجلس شوری اور مقامی عمائدین نے کثیر تعداد میں شرکت کی اور مشاورتی عمل کے بعد حتمی تاریخ طے کی اجلاس میں گائوں گائوں کمیٹیاں بھی تشکیل دے کر ذمہ داریاں سونپ دی گئیں ہیں اجتماع میں آزادکشمیر وپاکستان کے ممتاز عالم دین نعت خواں قرآ حضرات و سیاسی شخصیات شرکت کریں گی انتظامیہ نے عوام الناس کو بھرپور شرکت کی دعوت دی ہی- یاد رہے مدرسہ دارالعلوم فیض القرآن بیس بگلہ جس کی بنیاد 1956 میں حضرت مولانا محمد عبدالغنی مرحوم فارغ التحصیل دارالعلوم دیوبند برصغیر 1940نے رکھی تھی 1966 میں مولانا کی رحلت کے بعد مشاورتی کونسل نے مولانا کے بڑے بیٹے مولانا عبدالرئوف خان مرحوم کو ادارے کا مہتمم بنایا گیا جنھوں نے 2007اپنی وفات تک ادارے کا نظم و نسق چلایا پھر مولانا کے پوتے اور مولانا عبدالروف خان کے فرزند مولانا عبید الرحمن کو مقامی احباب و اراکین کونسل نے انھیں مہتمم نامزد کیا جو اپنے چھوٹے بھائی مولانا مطیع الرحمن عثمانی کے ساتھ ملکر تاحال اپنی ذمہ داریاں احسن طریقے سے نبھا رہے ہیں -ادارے میں طلبہ کی تعداد دو سو ہے مدرسہ دارالعلوم فیض القرآن بیس بگلہ کو 1966 میں مولانا عبدالغنی مرحوم کی وفات کے بعد ان کے نام منسوب کیا تھا -اس ادارے نے ہزاروں طلبہ پیدا کئے جو آج تک دینی اشاعت کے ساتھ ساتھ ہر شعبہ میں اپنی خدمات سرانجام دینے کے علاوہ اس ادارے کا نام روشن کیا یہی وجہ ہیکہ یہ ادارہ پاکستان کے شہر شہر تک اپنی شہرت رکھتا ہے -