غزہ میں بھوک کو جنگی ہتھیار بنانے پر دنیا کے مختلف ممالک میں اسرائیل کیخلاف احتجاج

سیکڑوں لوگوں کا تل ابیب میں امریکی سفارتخانے کی طرف مارچ ،غزہ جنگ بندی کا مطالبہ

اتوار 27 جولائی 2025 14:05

تل ابیب (اُردو پوائنٹ اخبارتازہ ترین - این این آئی۔ 27 جولائی2025ء)اسرائیل کی جانب سے غزہ میں بھوک کو جنگی ہتھیار بنانے پر دنیا کے مختلف ممالک سمیت اسرائیل میں بھی احتجاج کیا گیا۔اسرائیل میں سیکڑوں لوگوں نے تل ابیب میں امریکی سفارتخانے کی طرف مارچ کیا اور حکومت سے غزہ جنگ بندی کا مطالبہ کیا۔

(جاری ہے)

اس کے علاوہ اسرائیل کے دیگر شہروں میں بھی احتجاج کیا گیا اور ساتھ ہی 'بھوک کو ہتھیار بنانا جنگی جرم'، 'غزہ اکیلا نہیں' کے نعرے لگائے گئے جبکہ حکومت سے غزہ امداد بحال کرنے کا مطالبہ بھی کیا گیا۔

ادھر نیویارک میں اقوام متحدہ کے دفتر کے باہر سیکڑوں لوگوں کی جانب سے غزہ میں نسل کشی کے خلاف مظاہرہ کیا گیا، لندن میں بھی برطانوی وزیراعظم کے دفتر کے باہر ہزاروں افراد جمع ہوگئے اور انہوں نے خالی برتن بجا کر غزہ میں غذائی قلت ختم کرانے کا مطالبہ کیا۔اس کے علاوہ نیدرلینڈز ، ڈنمارک، لبنان، جرمنی، چلی، صومالیہ، یمن اور ایران میں بھی غزہ کے حق میں مظاہرے کیے گئے۔