تیندوا 8 سالہ لڑکی کو گھر سے اٹھا کر لے گیا، بچی کی لاش برآمد

چیتے نے مبینہ طور پر بچی کی گردن پر کاٹا، خون چوسا اور لاش جھاڑیوں میں چھوڑ کر قریبی جنگل کی طرف فرار ہوگیا

ساجد علی اتوار 27 جولائی 2025 17:20

تیندوا 8 سالہ لڑکی کو گھر سے اٹھا کر لے گیا، بچی کی لاش برآمد

مظفرآباد ( اُردو پوائنٹ اخبارتازہ ترین۔ 27 جولائی 2025ء ) آزاد جموں کشمیر کے ضلع جہلم ویلی کے سرحدی گاؤں میں خونخوار تیندوے نے 8 سالہ بچی کو جاں بحق کردیا، واقعے نے پورے علاقے کو صدمے میں مبتلا کر دیا اور خوف کے باعث کئی دیہاتی گھروں میں محصور ہو گئے۔

(جاری ہے)

میڈیا رپورٹس کے مطابق یہ دلخراش واقعہ لائن آف کنٹرول کے قریب واقع گاؤں پنڈو نالہ میں پیش آیا، جو چناری سے تقریباً 15 کلومیٹر اور مظفرآباد سے 65 کلومیٹر کے فاصلے پر واقع ہے، مقامی پولیس کا کہنا ہے کہ 8 سالہ بچی جویریہ بنت غلام مصطفیٰ اعوان دوسری جماعت کی طالبہ تھی جو اپنے گھر کے صحن میں کھیل رہی تھی کہ اس دوران اچانک ایک تیندوا نمودار ہوا اور اسے اٹھا کر لے گیا۔

بتایا گیا ہے کہ بچی جویریہ کے یوں اچانک لاپتا ہونے پر اہل خانہ اور اہلِ محلہ نے فوری طور پر اس کی تلاش شروع کی اور تین گھنٹے تک قریبی کھیتوں اور جنگلات میں بچی کو ڈھوندتے رہے اس دوران بچی کی لاش گھر سے تقریباً نصف کلومیٹر دور ایک گھنی جھاڑیوں والے علاقے سے ملی، جس کو دیکھ کر اندازہ ہوا کہ چیتے نے مبینہ طور پر جویریہ کی گردن پر کاٹا، اس کا خون چوسا اور پھر لاش کو جھاڑیوں میں چھوڑ کر قریبی جنگل کی طرف فرار ہو گیا۔