ہنگامہ آرائی، توڑ پھوڑ جلاؤ گھیراؤ کیس،احمد خان بھچر،عمر ایوب سمیت 57 ملزمان کے وارنٹ گرفتارجاری

ا ے ٹی سی عدالت میں مقدمات کی سماعت ہوئی کوئی بھی ملزم عدالت میں پیش نہیں ہوا، عدالت کے بار بار طلبی کے باوجود پیش نہ ہونے پر عمر ایوب کو اشتہاری قرار دینے کی کارروائی شروع کر دی گئی

فیصل علوی پیر 28 جولائی 2025 14:20

ہنگامہ آرائی، توڑ پھوڑ جلاؤ گھیراؤ کیس،احمد خان بھچر،عمر ایوب سمیت ..

سرگودھا(اردوپوائنٹ اخبار تازہ ترین۔28جولائی 2025)سرگودھا کی عدالت نے 9 مئی کو میانوالی میں ہونے والی ہنگامہ آرائی،توڑ پھوڑ اور گھیراؤ جلاؤ کیس میں پی ٹی آئی رہنماء احمدخان بھچر،عمر ایوب سمیت 51ملزمان کے وارنٹ گرفتارجاری کردئیے،کوئی بھی ملزم عدالت میں پیش نہیں ہوا،ا ے ٹی سی عدالت میں مقدمات کی سماعت ہوئی، عدالت نے عدم پیشی پر پی ٹی آئی رہنما احمد خان بھچر، بلال اعجاز اور احمد چٹھہ سمیت دیگر ملزمان کے وارنٹ گرفتاری جاری کر دیئے۔

عدالت کے بار بار طلبی کے باوجود پیش نہ ہونے پر عمر ایوب کو اشتہاری قرار دینے کی کارروائی شروع کر دی گئی۔ عدالت نے جوڈیشل کمپلیکس میانوالی کے مقدمہ میں 57 نامزد ملزمان کے وارنٹ گرفتاری جاری کر دیئے۔ عدالت نے 9 مئی کے دیگر 4 مقدمات کی سماعت کرتے ہوئے شہادتیں قلمبند کیں۔

(جاری ہے)

بعدازاں انسداد دہشت گردی عدالت نے مزید سماعت 29 جولائی تک ملتوی کرتے ہوئے طلبی کے نوٹس جاری کر دیئے۔

جوڈیشل کمپلیکس میانوالی میں 9 مئی کو ہنگامہ آرائی کے مقدمہ میں 57 نامزد اور 150 نامعلوم ملزمان کیخلاف مقدمہ درج کیا گیا تھا۔ یاد رہے کہ اسلام آباد کی انسداد دہشتگردی عدالت نے 4اکتوبر احتجاج کیس میں عدم پیشی پر عدالت نے عمر ایوب کے وارنٹ گرفتاری جاری کر دئیے تھے۔جج طاہر عباس سپرا نے کیس کی سماعت کی،اپوزیشن لیڈر کی عدم حاضری کی بنا پر عدالت نے انکے وارنٹ گرفتاری جاری کئے گئے تھے۔

عدالت نے عمر ایوب سمیت تمام غیرحاضر کارکنان کے ضمانتی مچلکے ضبط کرنے کا حکم دیدیا تھا۔پی ٹی آئی رہنما اعظم خان سواتی کی حاضری سے استثنیٰ کی درخواست منظور کرلی گئی تھی۔ بعدازاں عدالت نے غیر حاضر ملزمان کے ضمانتی مچلکے ضبط کرنے کا حکم دیتے ہوئے کیس کی سماعت 30 جولائی تک ملتوی کر دی تھی۔پی ٹی آئی رہنماء عمرایوب سمیت دیگر ملزمان کیخلاف تھانہ شہزاد ٹاؤن میں مقدمات درج تھے۔

قبل ازیں بھی راولپنڈی کی انسداد دہشتگری عدالت نے 26نومبر احتجاج کے تین مقدمات میں عدم گرفتار ملزمان کے وارنٹ گرفتاری جاری کئے تھے۔ مقدمات میں مطلوب پی ٹی آئی رہنماؤں کی گرفتاری کیلئے پولیس ٹیمیں تشکیل دے دی گئیں تھیں۔ پولیس کی خصوصی ٹیمیں کو چھاپہ مار کارروائیوں کی ہدایات دیدی گئیں تھیں۔ملزمان میں پی ٹی آئی رہنماء عارف علوی، وزیر اعلیٰ خیبر پختونخوا علی امین گنڈا پور، اپوزیشن لیڈر قومی اسمبلی عمر ایوب، سابق سپیکر قومی اسمبلی اسد قیصر کے نام شامل تھے۔جبکہ حماد اظہر، شاہد خٹک، خالد خورشید،فیصل امین، وہاب علوی،شہریار ریاض اور دیگر پی ٹی آئی رہنماؤں کے بھی وارنٹ گرفتاری جاری کئے گئے تھے۔