Live Updates

پاکستان بزنس فورم کا وزیراعظم سے ڈالر کو فوری کنٹرول کرنے کا مطالبہ

معاشی اشاریوں کے مطابق ڈالر 260 روپے کا ہونا چاہیے، پاکستان بزنس فورم

پیر 28 جولائی 2025 17:30

پاکستان بزنس فورم کا وزیراعظم سے ڈالر کو فوری کنٹرول کرنے کا مطالبہ

کراچی(اُردو پوائنٹ اخبارتازہ ترین - این این آئی۔ 28 جولائی2025ء)چیف آرگنائزر پاکستان بزنس فورم احمد جواد نے وزیراعظم سے ڈالر کو فوری طور پر کنٹرول کرنے کا مطالبہ کر دیااورکہاکہ ڈالرکو مصنوعی طریقے سے کنٹرول کیا جارہا ہے،معاشی اشاریوں کے مطابق ڈالر 260 روپے کا ہونا چاہیے۔چیف آرگنائزر پاکستان بزنس فورم احمد جوادنے کہاکہ معیشت 283 روپے پر نہیں چل سکتی، اصل ریلیف تب ہی آئیگاجب روپیہ مضبوط ہوگا، مہنگائی 4 فیصد، کنزیومر پرائس انڈیکس3فیصد پرآگیا،شرح سود 11فیصد رکھناغیرمنطقی ہے،اگلی مانیٹری پالیسی میں شرح سود کم ازکم 9 فیصد پر لائی جائے، حکومت 50 کھرب روپے کے ملکی قرض پر11فیصد سود اداکررہی ہے،جوسالانہ مہنگائی کی شرح5سے 6 فیصد زیادہ ہے۔

(جاری ہے)

احمد جواد نے کہاکہ ملکی قرض کی ادائیگی پر 3 کھرب روپے کا اضافی بوجھ پڑرہا ہے،یہ رقم عوامی فلاح وبہبود اور انفراسٹرکچر پر خرچ کی جاسکتی ہے،شرح سودمیں کمی سے پاکستانی برآمدات کوعالمی منڈیوں میں جگہ ملے گی،آئی ایم ایف بھی شرح سود مہنگائی کی شرح کیقریب رکھنے کا مطالبہ کرتا ہے،صرف ٹیکسٹائل سیکام نہیں چلے،برآمدات بڑھانے کیلیے نئے سیکٹرڈھونڈنا ہوں گے،کاروباری طبقہ مایوس ہے،پالیسی ساز پیداواری شعبے کونظراندازکررہے ہیں، توقع ہی30جولائی کومانیٹری پالیسی اجلاس میں حقیقت پسندانہ موقف اپنایاجائیگا۔