اگست کو پرامن احتجاج ہو گا،تیاریاں مکمل ہیں،عمر ایوب

زرداری کی پانچوں انگلیاں گھی میں ، چینی کی ذخیرہ اندوزی کی جا رہی ہے،میڈیاسے گفتگو

پیر 28 جولائی 2025 17:57

اگست کو پرامن احتجاج ہو گا،تیاریاں مکمل ہیں،عمر ایوب

پشاور(اُردو پوائنٹ اخبارتازہ ترین - این این آئی۔ 28 جولائی2025ء)قومی اسمبلی میں اپوزیشن لیڈر عمر ایوب نے کہا ہے کہ5 اگست کو پٴْرامن احتجاج ہوگا جس کی تیاریاں مکمل ہیں۔میڈیا سے گفتگو کرتے ہوئے انہوں نے کہاکہ بانی پی ٹی آئی اور ان کی اہلیہ بشریٰ بی بی کے ساتھ جیل میں برا سلوک کیا جارہا ہے۔

(جاری ہے)

عمر ایوب نے کہاکہ آصف علی زرداری کی شوگر ملز ہیں ،ان کی پانچوں انگلیاں گھی میں ہیں، چینی کی ذخیرہ اندوزی کی جا رہی ہے۔انہوں نے کہا کہ پیٹرول، گیس اور دیگر اشیاء مہنگی ہوگئی ہیں، ساڑھی4 سو ارب روپے کا پیٹرول ایران سے اسمگل ہوتا ہے۔اپوزیشن لیڈرنے کہاکہ1500 روپے کا بل 15 ہزار روپے تک پہنچ گیا، اسمبلی میں حکومت پر میری تنقید کو حذف کیا جا رہا ہے۔