خواجہ سلمان رفیق کی زیرصدارت پنجاب ہیلتھ فاونڈیشن کے بورڈ آف ڈائریکٹرزکا38 واں اجلاس

لاہور (اُردو پوائنٹ اخبارتازہ ترین - اے پی پی۔ 28 جولائی2025ء) صوبائی وزیرصحت خواجہ سلمان رفیق کی زیرصدارت محکمہ سپیشلائزڈ ہیلتھ کئیراینڈمیڈیکل ایجوکیشن میں پنجاب ہیلتھ فاونڈیشن کے بورڈ آف ڈائریکٹرزکا38 واں اجلاس منعقدہوا۔اجلاس میں سپیشل سیکرٹری آپریشنزطارق محمورحمانی،ایڈیشنل سیکرٹری ٹیکنیکل ڈاکٹرمحمد وسیم،ایم ڈی پنجاب ہیلتھ فاو نڈیشن جواد اکرم اور محکمہ پی اینڈ ڈی،محکمہ مال و دیگرمحکمہ جات کے افسران نے بطور ممبرشرکت کی۔

پروفیسرڈاکٹرعامر زمان خان،پروفیسرڈاکٹراسداسلم خان اور پروفیسرڈاکٹر زرفشاں طاہر کی اجلاس کے دوران بطورممبربورڈآف ڈائریکٹرزتعیناتی پر خیرمقدم کیا گیا اور ویلکم کہاگیا۔صوبائی وزیرصحت خواجہ سلمان رفیق نے اس موقع پر مختلف ہیلتھ پروفیشنلزکو کاروبار کیلئے بلاسود قرضوں کے چیک بھی تقسیم کئے۔

(جاری ہے)

پنجاب ہیلتھ فاونڈیشن کے افسران نے منظوری کیلئے مختلف ایجنڈاز پیش کئے۔

اجلاس کے دوران بورڈآف ڈائریکٹرزکے37ویں اجلاس کے منٹس کی منظوری دی گئی۔اجلاس کے دوران بورڈآف ڈائریکٹرزکے37ویں اجلاس میں لئے گئے فیصلوں پر عملدرآمد رپورٹ کا تفصیلی جائزہ لیاگیا۔اجلاس کے دوران فنانشل اینڈٹیکنیکل کمیٹی کے91ویں اجلاس کے منٹس کی توثیق کردی گئی۔اجلاس کے دوران سینٹرالائزڈ سٹائپنڈ ڈسبرسمنٹ پروگرام پر بھی بریفنگ لی گئی۔

اجلاس کے د وران پنجاب ہیلتھ فاونڈیشن کے نارتھ اور ساو تھ کیلئے 2 نئے فیلڈ دفاتر کھولنے کی منظوری دی گئی۔اجلاس کے دوران پنجاب ہیلتھ فاو نڈیشن کی سالانہ رپورٹ 2024 کی منظوری بھی دی گئی۔صوبائی وزیرصحت خواجہ سلمان رفیق نے کہا کہ ڈاکٹرزکو بلا سود قرضوں کی ادائیگی اور ریکوری کے حوالہ سے پنجاب ہیلتھ فاونڈیشن کی کارکردگی قابل ستائش ہے،وزیراعلی پنجاب مریم نواز شریف کے ویژن کے مطابق پنجاب ہیلتھ فاونڈیشن کے ذریعے ڈاکٹرزکو کروڑوں روپوں کے بلاسود قرضے فراہم کئے جا رہے ہیں،اس ادارے کے ذریعے ہسپتالوں میں ایچ آر کی کمی کو بھی پوری کرنے کی کوشش کر رہے ہیں۔

پنجاب ہیلتھ فاونڈیشن کے ذریعے جاری شدہ بلاسودقرضوں کی ریکوری99 فیصد ہے۔خواجہ سلمان رفیق نے کہاکہ صوبہ بھرمیں ہزاروں ڈاکٹرز پنجاب ہیلتھ فاونڈیشن سے بلاسودقرضے حاصل کرکے باعزت طریقے سے کاروبار کر کے روزگارکما رہے ہیں،ایم ڈی پی ایچ ایف جواداکرم نے اجلاس میں بریفنگ دیتے ہوئے کہاکہ پنجاب ہیلتھ فاونڈیشن ہیڈآفس کو سولرپینل سسٹم پرمکمل شفٹ کردیاگیا ہے۔پنجاب ہیلتھ فاو نڈیشن نے نرسنگ کالجزاور ہسپتالوں میں ٹرینیزکی انڈکشن کے عمل میں آسانی پیداکرنے کیلئے سینٹرلائزڈپورٹل کا بھی اجراکیا ہے۔