Live Updates

وزیراعلیٰ کے پی نے ڈیجیٹل گورننس کیلئے سرکاری امور کو پیپرلیس بنانے کی ای۔سمری پر دستخط کردیے

اگلے مرحلے میں ڈیجیٹل نوٹ پارٹ کا بھی اجراء کیا جا رہا ہے، اس اقدام سے سرکاری امور نمٹانے میں تاخیری حربوں کا خاتمہ ہو جائے گا، وزیراعلیٰ علی امین گنڈاپور

ثنااللہ ناگرہ پیر 28 جولائی 2025 20:46

وزیراعلیٰ کے پی نے ڈیجیٹل گورننس کیلئے سرکاری امور کو پیپرلیس بنانے ..

پشاور (اُردو پوائنٹ اخبارتازہ ترین۔ 28 جولائی 2025ء) وزیر اعلی علی امین گنڈاپور کی قیادت میں خیبر پختونخوا حکومت کا ڈیجیٹل گورننس کے شعبے میں ایک اور سنگ میل. صوبائی حکومت کا سرکاری امور کو پیپر لیس بنانے کی طرف نمایاں پیشرفت۔ وزیراعلی کی منظوری کے لئے بھیجے جانے والے سمریوں کو ای۔سمری پر منتقل کردیا گیا۔ وزیراعلی علی امین گنڈاپور نے پہلی باضابطہ ای۔

سمری پر دستخط کردیے۔ پہلی ای سمری اتوار کے دن وزیر اعلی کو آن لائن سسٹم کے ذریعے موصول ہوئی۔ موصول ہوتے ہی وزیراعلی نے سمری پر ڈیجیٹل دستخط ثبت کردیے۔

ای۔ سمری کا اجراء دفتری امور اور فائل ورک کو پیرس لیس بنانے کی طرف اہم پیشرفت ہے، اگلے مرحلے میں ڈیجیٹل نوٹ پارٹ کا بھی اجراء کیا جا رہا ہے، علی امین گنڈاپور نے کہا کہ سرکاری مراسلوں، اعلامیوں اور حکم ناموں کو بھی ڈیجیٹائز کیا جا رہا ہے۔

(جاری ہے)

اسی طرح صوبائی کابینہ کے اجلاسوں کے لئے ورکنگ پیپرز سمیت دیگر امور کو ای۔ سسٹم پر منتقل کیا جا رہا ہے، اس اقدام سے نہ صرف وقت کی بچت ہوگی بلکہ وسائل کے ضیاع کو بھی روکا جا سکے گا۔

وزیراعلیٰ علی امین گنڈاپور نے کہا کہ سرکاری محکموں کے استعداد کار میں بہتری آئے گی اور دفتر امور میں شفافیت یقینی ہوگی، اس اہم اقدام سے سرکاری امور نمٹانے میں تاخیری حربوں کا خاتمہ ہو جائے گا، موجودہ صوبائی حکومت سرکاری امور کے ساتھ ساتھ عوامی خدمات کی فراہمی کے عمل کو ڈیجیٹائز کرنے پر کام کر رہی ہے، اس مقصد کے لئے ڈیجیٹل گورننس روڈ میپ کے تحت ٹھوس اقدامات اٹھائے جا رہے ہیں، موجودہ صوبائی حکومت متعدد عوامی خدمات کو پہلے ہی ڈیجیٹائز کر چکی ہے، ہم عمران خان کے وژن کے مطابق صوبے کو ڈیجیٹیل خیبر پختونخوا بنائیں گے۔