صدرِمملکت نے انفارمیشن گروپ کے سابق سینئر افسر اختر منیر کو ایف پی ایس سی کا رکن مقرر کر دیا

جمعہ 12 ستمبر 2025 17:06

اسلام آباد (اُردو پوائنٹ اخبارتازہ ترین - این این آئی۔ 12 ستمبر2025ء)صدرِ مملکت آصف علی زرداری نے انفارمیشن گروپ کے سابق سینئر افسر اختر منیر کو وفاقی پبلک سروس کمیشن (ایف پی ایس سی) کا رکن مقرر کر دیا ہے۔

(جاری ہے)

کابینہ ڈویڑن کے جاری کردہ نوٹیفکیشن کے مطابق یہ تقرری آئینِ پاکستان کے آرٹیکل 242 اور فیڈرل پبلک سروس کمیشن آرڈیننس 1977 کی متعلقہ شقوں کے تحت عمل میں لائی گئی ہے۔ نوٹیفکیشن میں کہا گیا ہے کہ اختر منیر، جو انفارمیشن گروپ کے ریٹائرڈ گریڈ-21 کے افسر ہیں، کو تین سال کے لیے یا 65 برس کی عمر تک، جو بھی مدت پہلے پوری ہو،فیڈرل پبلک سروس کمیشن کا رکن مقرر کیا گیا ہے۔