رواں سال 16 اسرائیلی فوجیوں کی خودکشی

خودکشیوں کا یہ رجحان ریزروسٹ فوجیوں میں دیکھنے میں آیا،غیرملکی میڈیا

منگل 29 جولائی 2025 15:55

تل ابیب (اُردو پوائنٹ اخبارتازہ ترین - این این آئی۔ 29 جولائی2025ء)2025 کے آغاز سے اب تک 16 اسرائیلی فوجیوں خودکشی کرچکے ہیں۔ غیر ملکی میڈیا کے مطابق اکتوبر 2023 میں غزہ جنگ کے آغاز سے اب تک 54 اسرائیلی فوجی خودکشی کرچکے ہیں۔2023 میں 17 اور 2024 میں 21 اسرائیلی فوجیوں نے خود اپنی جان لے لی۔

(جاری ہے)

رپورٹ میں بتایا گیا کہ خودکشیوں کا یہ رجحان ریزروسٹ فوجیوں میں دیکھنے میں آیا جن کی بڑی تعداد غزہ میں تعینات ہے۔اسکے علاوہ 3 ہزار 770 اسرائیلی فوجیوں میں پوسٹ ٹرامک اسٹریس ڈس آرڈر کے کیسز بھی سامنے آئے ہیں۔اسرائیلی وزارت دفاع کے ری ہیبلیٹیشن ڈیبارٹمنٹ کے مطابق اکتوبر 2023 میں جنگ کے آغاز سے اب تک 19 ہزار اسرائیلی فوجی زخمی ہوئے جن میں 10 ہزار فوجیوں میں مختلف ذہنی امراض کی نشاندہی ہوئی۔