آپریشن سندور پر بھارتی پارلیمنٹ میں آوازیں اٹھنے لگیں

آپریشن سندور میڈیا میں حکومت کے تماشے کے سوا کچھ نہیں تھا،رکن پارلیمنٹ پرنینتی شندے

منگل 29 جولائی 2025 16:17

نئی دہلی (اُردو پوائنٹ اخبارتازہ ترین - این این آئی۔ 29 جولائی2025ء)بھارتی پارلیمنٹ میں بھی آپریشن سندور پر آوازیں اٹھنے لگی ہیں، ممبر پارلیمنٹ پرینیتی شندے نے خطاب کرتے ہوئے کہا کہ آپریشن سندور میڈیا میں حکومت کے تماشے کے سوا کچھ نہیں تھا۔انہوں نے کہا کہ یہ کوئی نہیں بتا رہا کہ اس آپریشن میں کیا حاصل ہوا کتنے دہشتگرد پکڑے گئی ہم نے کتنے لڑاکا طیارے گنوائی کون ذمہ دار ہے اور یہ کس کی غلطی ہے، حکومت کو جواب دینا چاہیے۔

(جاری ہے)

دوسری جانب کیرالہ کے ممبر پارلیمنٹ کے فرانسس جارج کا کہنا تھا کہ ہم نے 3 رافیل، 1 سخوئی 30، ایک مگ 29 کھوئے، یہ سب ہمارے اپنے علاقے میں مار گرائے گئے۔قبل ازیں بھارت کے سابق وزیر داخلہ چدم برم نے کہا کہ ہم یہ کیوں کہہ رہے ہیں کہ جنگ بندی میں ڈونلڈ ٹرمپ کا کوئی کردار نہیں، اگر ان کا جنگ بندی میں کردار ہے تو ہم اس کا اعتراف کیوں نہیں کرتی بھارتی میڈیا کو انٹرویو میں انہوں نے کہا کہ مودی حکومت میں اتنی ہمت نہیں کہ وہ بتا سکے کہ اتنے ہفتوں میں پہلگام واقعے کی کیا تحقیقات کی ہیں۔