علیم ڈار کا مثالی جذبہ: ڈیلی الاؤنس اور پی ایس ایل فیس تھیلیسیمیا سینٹر کو عطیہ کردی

گذشتہ ایک سال سے سلیکٹر کی ذمے داریاں بلامعاوضہ نبھا رہے ہیں

ذیشان مہتاب جمعرات 31 جولائی 2025 12:05

علیم ڈار کا مثالی جذبہ: ڈیلی الاؤنس اور پی ایس ایل فیس تھیلیسیمیا سینٹر ..

لاہور (اردو پوائنٹ تازہ ترین اخبار ۔ 31 جولائی 2025ء ) علیم ڈار امپائرنگ سے کنارہ کش ہونے کے بعد لاہور میں سماجی کاموں میں مصروف ہوگئے ہیں۔

علیم ڈار لاہور میں تھیلیسمیا سینٹر چلاتے ہیں جبکہ وہ اس وقت قومی سلیکشن کمیٹی کے رکن بھی ہیں ، دیگر سلیکٹرز اور افسران بھاری تنخواہیں لے رہے ہیں لیکن علیم ڈار گذشتہ ایک سال سے سلیکٹر کی ذمے داریاں بلامعاوضہ نبھا رہے ہیں۔

ذمے دار ذرائع کا کہنا ہے کہ وہ لاہور سے باہر ہونے والے میچوں میں ملنے والا ڈیلی الاؤنس تھلیسیمیا سینٹر کو عطیہ کردیتے ہیں۔

ذرائع کا کہنا ہے کہ انٹرنیشنل کرکٹ سے ریٹائرمنٹ کے بعد جب پی سی بی نے انہیں پی ایس ایل میں امپائرنگ کی پیشکش کی تو انہوں نے درخواست کی کہ مجھے وہ معاوضہ دیا جائے جو غیر ملکی امپائروں کو دیا جاتا ہے کیوں کہ وہ یہ رقم اپنے تھیلیسمیا سینٹر کو عطیہ کرنا چاہتے ہیں جس کی وجہ سے انہیں دو کے بجائے چار ہزار ڈالرز فی میچ معاوضہ دیا گیا۔

(جاری ہے)