سابق ہندوستانی کرکٹر نے بمراہ کی ایشیا کپ میں دستیابی پر تشویش کا اظہار کردیا

محمد شامی کے ایشیا کپ اسکواڈ میں شامل نہ ہونے کی تقریباً ضمانت ہے : آکاش چوپڑا

ذیشان مہتاب جمعرات 31 جولائی 2025 12:45

سابق ہندوستانی کرکٹر نے بمراہ کی ایشیا کپ میں دستیابی پر تشویش کا اظہار ..

ممبئی (اردو پوائنٹ تازہ ترین اخبار ۔ 31 جولائی 2025ء ) سابق ہندوستانی کرکٹر آکاش چوپڑا نے بدھ کے روز جسپریت بمراہ کی آئندہ ایشیا کپ میں شرکت پر شک کا اظہار کرتے ہوئے پیسر کی فٹنس پر تشویش کا اظہار کیا۔

اپنے یوٹیوب چینل پر بات کرتے ہوئے آکاش چوپڑا نے مشورہ دیا کہ بمراہ کی دستیابی غیر یقینی ہے خاص طور پر اگر وہ انگلینڈ کے خلاف پانچویں ٹیسٹ سے محروم ہوں۔

آکاش چوپڑا نے کہا کہ " جسپریت بمراہ کی دستیابی ایک بار پھر سوال ہو گی۔ تاہم اگر وہ دستیاب ہیں، کیونکہ اگر وہ پانچواں ٹیسٹ بھی نہیں کھیلتے ہیں تو پھر انہیں ایشیا کپ کھیلنا چاہیے کم از کم میرے خیال میں یہی ہے"۔

انہوں نے ٹورنامنٹ کے لیے ہندوستان کے اسکواڈ کے انتخاب کو دلچسپ قرار دیا لیکن پیش گوئی کی کہ یہ بڑی حد تک پچھلی لائن اپ سے مشابہت رکھتا ہے۔

(جاری ہے)

انہوں نے مزید کہا "یہ دیکھنا دلچسپ ہوگا کہ کس قسم کی ٹیم کا انتخاب کیا جاتا ہے لیکن یہ اس سے زیادہ مختلف نہیں ہوسکتا ہے جسے پچھلی بار منتخب کیا گیا تھا۔"

آکاش چوپڑا نے یہ بھی اشارہ کیا کہ کپتانی کے فیصلوں کے بارے میں وضاحت آخری لمحے میں ہی آئے گی۔

مزید برآں انہوں نے محمد شامی کی شمولیت کو مسترد کرتے ہوئے کہا کہ تجربہ کار تیز گیند باز کا صرف چیمپئنز ٹرافی سے قبل فٹنس کا ٹیسٹ کیا جا رہا تھا۔

ان کا کہنا تھا کہ "میں تقریباً گارنٹی دے سکتا ہوں کہ محمد شامی وہاں نہیں ہوں گے۔ انہیں صرف ان کی فٹنس کا جائزہ لینے اور چیمپئنز ٹرافی کے لیے تیار کرنے کے لیے کھیلا جا رہا تھا۔

آکاش چوپڑا نے نتیجہ اخذ کیا کہ "اب جب کہ جہاز چل پڑا ہے اور اگر وہ ٹیسٹ اسکواڈ کا حصہ نہیں ہے تو میں اسے اس مرحلے پر T20 کرکٹ کھیلتے ہوئے نہیں دیکھ رہا ہوں۔

واضح رہے کہ ایشیا کپ 2025ء کا مقابلہ T20 فارمیٹ میں کیا جائے گا جو فروری میں بھارت اور سری لنکا کی مشترکہ میزبانی میں ہونے والے ICC T20 ورلڈ کپ 2026ء سے قبل ٹیموں کے لیے ایک اہم تیاری کے پلیٹ فارم کے طور پر کام کرے گا۔

دو گروپس میں تقسیم ہونے والی کل آٹھ ٹیمیں باوقار ٹائٹل کے لیے مدمقابل ہوں گی۔ سخت حریف پاکستان اور بھارت کو گروپ اے میں متحدہ عرب امارات اور عمان کے ساتھ رکھا گیا ہے جبکہ گروپ بی میں بنگلہ دیش، افغانستان، سری لنکا اور ہانگ کانگ شامل ہیں۔

ٹورنامنٹ کا آغاز 9 ستمبر کو افغانستان اور ہانگ کانگ کے درمیان گروپ بی کے میچ سے ہوگا۔

پاکستان اپنی مہم کا آغاز 12 ستمبر کو عمان کے خلاف کرے گا جس کے بعد 14 ستمبر کو بھارت کے خلاف بلاک بسٹر میچ کھیلا جائے گا۔ گروپ مرحلے کا آخری میچ 17 ستمبر کو متحدہ عرب امارات کے خلاف شیڈول ہے۔