فٹبال کے شوق نے نازیہ بتول کو چکوال کے گاؤں سے لاہور شفٹ ہونے پر مجبور کردیا

متعدد مقابلوں میں حصہ لینے والی سوشل میڈیا انفلوئنسر نازیہ بتول کا کہنا ہے کہ انہیں کبھی کسی رکاوٹ کا سامنا نہیں کرنا پڑا

جمعرات 31 جولائی 2025 17:00

لاہور (اُردو پوائنٹ اخبارتازہ ترین - این این آئی۔ 31 جولائی2025ء)فٹبال کے شوق نے 23 سالہ نازیہ بتول کو چکوال کے گاؤں سدوال سے لاہور شفٹ ہونے پر مجبور کردیا۔اے ایف ایل پاکستان اور ماس ریسلنگ کے انٹرنیشنل مقابلوں میں پاکستان کی نمائندگی کرنے والی نازیہ بتول فٹبال میں کیریئر بنانا چاہتی ہیں۔نازیہ بتول فٹبال میں کیریئر بنانے کے لیے لاہور میں بھرپور طریقے سے ٹریننگ کر رہی ہیں۔

وہ متعدد مقابلوں میں حصہ بھی لے چکی ہیں۔

(جاری ہے)

متعدد مقابلوں میں حصہ لینے والی سوشل میڈیا انفلوئنسر نازیہ بتول کا کہنا ہے کہ انہیں کبھی کسی رکاوٹ کا سامنا نہیں کرنا پڑا۔نجی ٹی وی سے گفتگو کرتے ہوئے انہوں نے کہا کہ لاہور آنا میرے لیے آسان نہیں تھا لیکن میری مجبوری تھی کیونکہ چکوال میں گراؤنڈ تو تھا لیکن کوچ اور سہولیات نہیں تھیں۔انہوں نے کہا کہ میری خواہش ہے کہ بین الاقوامی سطح پاکستان کی نمائندگی کروں، دن میں دیگر کام بھی کرتی ہوں، میرا جو شوق ہے وہ میں کروں گی چاہے مجھے لوگوں کی باتیں سننا پڑیں۔