خاورمانیکا حویلی لکھا قبرستان سرکاری اراضی 11کروڑ 32لاکھ کنورژن فیس غبن کیس ،سماعت 3ستمبر تک ملتوی

جمعرات 31 جولائی 2025 20:20

ساہیوال (اُردو پوائنٹ اخبارتازہ ترین - این این آئی۔ 31 جولائی2025ء)اسپیشل جج اینٹی کرپشن ساہیوال آصف بشیر کے تبادلہ کے بعد حویلی لکھا قبرستان سرکاری اراضی 11کروڑ 32لاکھ روپے کنورژن فیس غبن کیس میں سابق وزیر اعظم کی اہلیہ کے پہلے شوہر خاور مانیکا اور اس کے بیٹے مو سیٰ مانیکا کے خلاف مقدمہ کی سماعت 3ستمبر تک ملتوی کر دی گئی ۔ عدالت میں خاورمانیکا اور ان کے بیٹے موسی مانیکا ، ایکسائز انسپکٹر اللہ نواز وٹو، پٹواری محمداشرف اور مینجر اوقاف شفقت پیش ہو ئے ۔

(جاری ہے)

تفصیلات کے مطابق اینٹی کرپشن اوکاڑہ سرکل نے 11اگست 2023کو سابق وزیراعظم کی اہلیہ بشریٰ کے سابق شوہر خاورمانیکا ، ان کے دو بیٹوں موسیٰ مانیکا ، ابراہیم مانیکا، ایکسائز انسپکٹر اللہ نواز وٹو، پٹواری محمداشرف اور مینجر اوقاف شفقت کے خلاف حویلی لکھا قبرستان کی سرکاری اراضی دس کروڑ روپے مالیت اور تعمیر مارکیٹ کنورژن فیس ایک کروڑ 32لاکھ روپے غبن کرنے کے الزمات میں مقدمہ 409ت پ، 166ت پ اور 5/2/47پی سی اے درج کیا تھا۔ خاورمانیکا او رموسیٰ مانیکا عدالت سے ضمانت پر ہیں۔ جبکہ ابراہیم مانیکا فرارہوکر بیرون ملک سپین جا چکا ہے۔ جسے اشتہاری قرار دے دیا گیا ہے۔