چیئرمین پی سی بی کی امریکہ میں بابراعظم، رضوان اور نسیم شاہ سے ملاقات، آئندہ سیریز پر گفتگو

اتوار 3 اگست 2025 21:30

فلو ریڈا(اُردو پوائنٹ اخبارتازہ ترین - این این آئی۔ 03 اگست2025ء)پاکستان کرکٹ بورڈ (پی سی بی) کے چیئرمین محسن نقوی نے امریکا میں پاکستانی کھلاڑیوں بابر اعظم، محمد رضوان اور نسیم شاہ سے ملاقات کی۔

(جاری ہے)

چیئرمین پی سی بی محسن نقوی ان دنوں امریکا میں ہیں جہاں اٴْنہوں نے فلوریڈا میں پاکستان اور ویسٹ انڈیز کے درمیان دوسرا ٹی ٹوئنٹی دیکھا، اس کے علاوہ اٴْنہوں نے قومی ٹیم کے اسٹار کھلاڑیوں بابر اعظم، محمد رضوان اور نسیم شاہ سے ملاقات بھی کی۔

چیئرمین پی سی بی کی قومی ون ڈے اسکواڈ میں شامل تینوں کھلاڑیوں سے ملاقات میں کرکٹ کے امور پرگفتگو ہوئی۔کرکٹرز سے ملاقات میں محسن نقوی نے کہا کہ خوشی ہے کہ کھلاڑی اب ایک ٹیم بن کر کھیل رہے ہیں۔اٴْن کا کھلاڑیوں سے کہنا تھا کہ مستقبل میں ایشیا کپ اور ٹی ٹوئنٹی ورلڈکپ جیسے اہم ایونٹس آ رہے ہیں، ایک دوسرے کو اسی طرح سپورٹ کریں تاکہ کامیابی حاصل کرسکیں۔