قومی اسمبلی میں (ن)لیگ کی نشستوں میں اضافہ،تعداد124ہوگئی

الیکشن کمیشن آف پاکستان نے خواتین کی دو مخصوص نشستوں کا نوٹیفکیشن جاری کردیا

اتوار 3 اگست 2025 22:45

اسلام آباد(اُردو پوائنٹ اخبارتازہ ترین - این این آئی۔ 03 اگست2025ء)الیکشن کمیشن آف پاکستان کی جانب سے خیبرپختونخواہ سے مخصوص نشستوں کا نوٹیفکیشن جاری کردیاگیا، جس کے نتیجے میں پاکستان مسلم لیگ (ن)کی قومی اسمبلی میں نشستوں میں اضافہ ہوگیا۔

(جاری ہے)

الیکشن کمیشن نے قومی اسمبلی کی خواتین کی مخصوص نشستوں پر دو اراکین کا نوٹیفکیشن جاری کردیا۔حکمران جماعت مسلم لیگ (ن)کی ثمر ہارون بلور اور سعیدہ جمشید کا بطور رکن قومی اسمبلی نوٹیفکیشن جاری کردیا گیا ہے۔قومی اسمبلی میں دو نشستوں کے اضافے کے بعد مسلم لیگ کے ارکان کی تعداد بڑھ کر 124ہوگئی ہے۔