ڈپٹی چیئرمین سینیٹ سیدال خان ناصر کامیاں شاہدشفیع کے انتقال پر اظہار تعزیت

اتوار 3 اگست 2025 23:10

اسلام آباد (اُردو پوائنٹ اخبارتازہ ترین - اے پی پی۔ 03 اگست2025ء) ڈپٹی چیئرمین سینیٹ سیدال خان ناصرنے پاکستان مسلم لیگ (ن) کے مرکزی قائد و صدر اور سابق وزیراعظم محمد نواز شریف، وزیراعظم محمد شہباز شریف اور ان کے اہلِ خانہ سے اُن کے قریبی عزیز میاں شاہد شفیع کے انتقال پر دلی تعزیت کا اظہار کیا ہے۔

(جاری ہے)

اتوار کو اپنے تعزیتی بیان میں ڈپٹی چیئرمین سینیٹ نے کہا کہ میاں شاہد شفیع کی وفات ایک ناقابل تلافی نقصان ہے اور ان کی شخصیت ہمیشہ یاد رکھی جائے گی۔

انہوں نے مرحوم کے ایصالِ ثواب اور درجات کی بلندی کے لیے دعا کی ۔انہوں نے سوگوار خاندان سے اظہارِ ہمدردی کرتے ہوئے کہا کہ دکھ کی اس گھڑی میں وہ غمزدہ خاندان کے غم میں برابر کے شریک ہیں۔انہوں نےکہا کہ اللہ رب العزت مرحوم کو اپنی جوارِ رحمت میں جگہ عطا فرمائے، ان کی مغفرت فرمائے اور لواحقین کو یہ صدمہ برداشت کرنے کا حوصلہ اور صبر جمیل عطا فرمائے۔