حب ،پانچ اگست کو یوم استحصال کشمیر سرکاری سطح پر شایان شان طریقے سے منایا جائے گا،ڈپٹی کمشنر حب

پیر 4 اگست 2025 15:31

حب (اُردو پوائنٹ اخبارتازہ ترین - اے پی پی۔ 04 اگست2025ء) ضلع حب میں پانچ اگست کو یوم استحصال کشمیر سرکاری سطح پر شایان شان طریقے سے منایا جائے گا۔ڈپٹی کمشنر ضلع حب نثاراحمد لانگو نے کہا ہے کہ ضلع حب میں پانچ اگست کو یوم استحصال کشمیر سرکاری سطح پر شایان شان طریقے سے منایا جائے گا اس سلسلے میں شہر اورتحصیل کی سطح پر ریلیاں نکالی جائیں گی کشمیری عوام سے اظہار یکجہتی کے پروگرام منعقد کیے جائیں گے جن میں کشمیری عوام پر ہونے والے بھارتی ظلم و ستم کو اجاگر کیا جائے گا۔

ڈپٹی کمشنر ضلع حب نثاراحمد لانگو نے ضلعی انتظامیہ کے افسران کو سختی سے ہدایت جاری کر دی ہیں کہ وہ یوم استحصال کے حوالے سے تمام انتظامات کو مکمل کریں اور ان تقریبات میں مختلف طبقہ ہائے فکر، سیاسی و سماجی رہنما، طلباء، وکلاء اور سول سوسائٹی کے افراد کی بھرپور شرکت کو یقینی بنایا جائے۔

(جاری ہے)

انہوں نے کہا کہ کشمیری عوام پر بھارتی افواج کے مظالم، جبری قبضے، انسانی حقوق کی پامالی اور غیر آئینی اقدامات کی شدید الفاظ میں مذمت کی جائیگی بھارت نے جس طرح 5 اگست 2019 کو مقبوضہ کشمیر کی خصوصی حیثیت کو ختم کیا، وہ اقوام متحدہ کی قراردادوں اور بین الاقوامی قوانین کی صریح خلاف ورزی ہے ۔

انہوں نے کہا کہ بھارت کا مکروہ چہرہ دنیا کے سامنے بے نقاب ہو چکا ہے، عالمی برادری کو اس ظلم کا نوٹس لینا چاہیے ڈی سی نے کہا کہ پاکستانی عوام اور حکومت ہر فورم پر کشمیری بھائیوں کی حمایت جاری رکھیں گے اور آزادی کی جدوجہد میں ان کے شانہ بشانہ کھڑے ہیں۔ یوم استحصال کا مقصد عالمی ضمیر کو جھنجھوڑنے اور مقبوضہ کشمیر کے نہتے عوام کے ساتھ یکجہتی کا عملی اظہار ہے۔\378