اعجاز الرحمن کی سربراہی میں آزادی کپ ٹین پن باؤلنگ چیمپئن شپ کے لئے آرگنائزنگ کمیٹی کا قیام

پیر 4 اگست 2025 22:49

اسلام آباد (اُردو پوائنٹ اخبارتازہ ترین - این این آئی۔ 04 اگست2025ء)اعجاز الرحمن کی سربراہی میں آزادی کپ ٹین پن باؤلنگ چیمپئن شپ کے لئے آرگنائزنگ کمیٹی کا قیام، آرگنائزنگ سیکرٹری کے فرائض لیفٹیننٹ کرنل ریٹائرڈ کامران خالد جنجوعہ انجام دیں گے۔آزادی کپ ٹین پن باؤلنگ چیمپئن شپ 8 اگست سے 14 اگست تک لیزر سٹی باؤلنگ کلب،صفا گولڈ، ایف سیون مرکز، اسلام آباد میں کھیلی جائے گی۔

(جاری ہے)

چیمپئن شپ کو شان و شوکت کے ساتھ منعقد کروانے کے لئے پاکستان ٹین پن باؤلنگ فیڈریشن نے آرگنائزنگ کمیٹی کا قیام عمل میں لائی ہے۔ اعجاز الرحمن آرگنائزنگ کمیٹی کے چیئرمین ہوں گے جبکہ آرگنائزنگ سیکرٹری کے فرائض لیفٹیننٹ کرنل ریٹائرڈ کامران خالد جنجوعہ انجام دیں گے۔ دیگر ممبران میں علیم آغا، محمد حسین چھٹہ، دانیال الرحمن، رانا افضال اختر، ڈاکٹر منیب، محمد محسن، انجینئر رانا اسد احمد تنویر، نور العین، کلثوم احمد اور ریحانہ پروین شامل ہیں۔