حارث رؤف کا وکٹ لینے کے بعد جشن مناتے ہوئے نرالا ڈانس وائرل

پیر 4 اگست 2025 22:55

فیلو ریڈا (اُردو پوائنٹ اخبارتازہ ترین - این این آئی۔ 04 اگست2025ء)پاکستان قومی کرکٹ ٹیم کے فاسٹ بالر حارث رؤف کے اورا فارمنگ ڈانس نے سوشل میڈیا پر دھوم مچا دی۔سماجی رابطے کی ویب سائٹ ایکس پر کھلاڑی کی منفرد ویڈیو خوب وائرل ہو رہی ہے۔

(جاری ہے)

فلوریڈا میں گزشتہ روز ہونے والے پاکستان اور ویسٹ انڈیز کے تیسرے فیصلہ کٴْن ٹی ٹوئنٹی میچ میں جیول اینڈریو کی وکٹ لینے کے بعد غیر متوقع طور پر انوکھے انداز میں جشن منایا، جو سوشل میڈیا صارفین کو بھا گیا۔

انہوں نے ایک کیچ ڈراپ کے سبب آؤٹ ہونے سے بچ جانے والے ویسٹ انڈیز کے بلے باز جیول اینڈریو کو 15 گیندوں پر 24 رنز اسکور کرنے کے بعد رن آؤٹ کیا۔جیول اینڈریو کی وکٹ پر حارث رؤف نے سوشل میڈیا ٹرینڈاورا فارمنگ ڈانس اسٹیپس کرکے جشن منایا، جو فوری طور پر سوشل میڈیا پلیٹ فارمز پر وائرل ہوگیا۔