سندھ‘ سکیورٹی فیچر والی نمبر پلیٹ لگانے کی ڈیڈلائن میں توسیع کردی گئی

ڈیڈ لائن میں اضافے کے بعد محکمہ ایکسائز اینڈ ٹیکسیشن سندھ کی جانب سے توسیع کا نوٹیفیکشن بھی جاری کردیا گیا

منگل 5 اگست 2025 16:05

سندھ‘ سکیورٹی فیچر والی نمبر پلیٹ لگانے کی ڈیڈلائن میں توسیع کردی ..

کراچی(اُردو پوائنٹ اخبارتازہ ترین - این این آئی۔ 05 اگست2025ء) پیپلز پارٹی کے چیئرمین بلاول بھٹو زرداری کی ہدایت پر سندھ میں سکیورٹی فیچر والی نمبر پلیٹوں کو نصب کرنے کی ڈیڈ لائن 14 اگست سے بڑھا کر 31 اکتوبر کردی گئی۔

(جاری ہے)

بلاول بھٹو زرداری سے صوبائی وزیر ایکسائز ٹیکسیشن مکیش چاولہ نے ملاقات کی جس میں انہوں نے بتایا کہ سندھ میں سیف سٹی پروجیکٹ کے تحت گاڑیوں کی سکیورٹی فیچر کے ساتھ نمبر پلیٹ اپ ڈیٹ کرنے کی مہم تیز کردی گئی ہے، سکیورٹی فیچر والی نمبر پلیٹوں کے بعد صوبے میں سکیورٹی کی صورت حال مزید بہتر ہوگی۔

بلاول بھٹو نے مکیش چاولہ کو ہدایت کی کہ عوام کی سہولت کے پیش نظر سکیورٹی فیچر والی نمبر پلیٹوں کو نصب کرنے کی ڈیڈ لائن میں اضافہ کیا جائے جس کے بعد مکیش چاولہ نے نمبر پلیٹوں کو نصب کرنے کی ڈیڈ لائن 14 اگست سے بڑھا کر 31 اکتوبر کردی۔ڈیڈ لائن میں اضافے کے بعد محکمہ ایکسائز اینڈ ٹیکسیشن سندھ کی جانب سے توسیع کا نوٹیفیکشن بھی جاری کردیا گیا ہے۔