ہراسانی کا کیس، گورنر سندھ نے سی ای او کیالیکٹرک کو ریلیف دینے سے انکار کردیا

منگل 5 اگست 2025 22:15

کراچی(اُردو پوائنٹ اخبارتازہ ترین - این این آئی۔ 05 اگست2025ء)گورنر سندھ کامران ٹیسوری نے سی ای او کیالیکٹرک مونس علوی کو عبوری ریلیف دینے سے انکار کردیا، معاملے کی مکمل سماعت ہوگی۔ذرائع کے مطابق گورنر سندھ نے ہراسانی کے الزام کا سامنا کرنے والے کے الیکٹرک کے چیف ایگزیکٹیو آفیسر مونس علوی کی درخواست مسترد کردی، معاملے مکمل سماعت کیلئے مقرر کردیا گیا، سندھ محتسب کا فیصلہ برقرار رکھا گیا ہے۔

(جاری ہے)

سندھ محتسب نے سی ای او کے الیکٹرک پر 25 لاکھ روپے جرمانہ عائد کیا تھا جسے برقرار رکھا گیا، سندھ محتسب نے کہاتھا کہ کیس میں مونس علوی پر کام کی جگہ پر ہراسانی کا الزام ثابت ہوچکا ہے۔گورنر ہائوس سے جاری اعلامیہ میں کہا گیا کہ گورنر ہائوس نے انصاف اور قانونی عمل کے مفاد میں مکمل سماعت کا فیصلہ کیا ہے۔اعلامیہ میں بتایا گیا کہ گور نرہائوس نے سماعت کیلیے 11 اگست کی تاریخ مقرر کردی ہے، انصاف صرف ہونا ہی نہیں چاہیے ہوتے ہوئے نظر بھی آنا چاہیے۔گورنر ہائوس کے جاری اعلامیے میں مزید کہا گیا کہ قانون سے بالاتر کوئی نہیں، طاقتور افراد کا بھی احتساب لازم ہے۔