جموں و کشمیر،ضلع کولگام میں فوجی آپریشن مسلسل چھٹے روز بھی جاری، لوگوں کو شدید مشکلات کا سامنا

بدھ 6 اگست 2025 14:09

سرینگر (اُردو پوائنٹ اخبارتازہ ترین - اے پی پی۔ 06 اگست2025ء) بھارت کے غیر قانونی زیر تسلط جموں وکشمیرکے ضلع کولگام میں بھارتی فورسز کی طرف سے محاصرے اور تلاشی کی پرتشدد کارروائی آج مسلسل چھٹے روز بھی جاری ہے۔

(جاری ہے)

کشمیر میڈیا سروس کے مطابق بھارتی پولیس حکام نے اعتراف کیا کہ ضلع کے علاقے آکھرن دیوسر میں فوجی کارروائی کے دوران ڈرونز، رودرا ہیلی کاپٹر اور ایلیٹ سپیشل فورسز کا استعمال کیا جا رہا ہے۔

بھارتی فوجیوں نے علاقے میں اب تک کم از کم تین نوجوانوں کو شہیدکیا ہے جبکہ آپریشن کے دوران چار بھارتی فوجی بھی زخمی ہوئے ۔طویل محاصرے اور مسلسل فائرنگ کے باعث علاقہ مکین گھروں میں محصور ہو کر رہ گئے ہیں جبکہ دل کے مریضوں، حاملہ خواتین اور بچوں کوشدید مشکلات کا سامنا ہے ۔علاقے میں تازہ فائرنگ کی بھی اطلاعات ہیں۔\932