کراچی‘ بیٹے نے فائرنگ کرکے باپ، بھائی اور بھابھی کو قتل کردیا

واقعے کی اطلاع ملتے ہی کارروائی کرتے ہوئے ملزم کو گرفتار کرکے اسلحہ بھی برآمدکرلیا: پولیس

بدھ 6 اگست 2025 15:26

کراچی‘ بیٹے نے فائرنگ کرکے باپ، بھائی اور بھابھی کو قتل کردیا

کراچی (اُردو پوائنٹ اخبارتازہ ترین - این این آئی۔ 06 اگست2025ء)کراچی میں بیٹے نے فائرنگ کرکے اپنے ہی گھر کے 3 افراد کو قتل کردیا۔پولیس کے مطابق یہ واقعہ حیدر آباد کالو نی میں پیش آیا جہاں ایک بیٹے نے فائرنگ کرکے باپ اور بھائی کو قتل کردیا۔پولیس نے بتایا کہ فائرنگ سے ملزم کی بھابھی بھی زخمی ہوئی جو دوران علاج دم توڑ گئی۔

(جاری ہے)

پولیس کا کہنا ہے کہ واقعے کی اطلاع ملتے ہی کارروائی کرتے ہوئے ملزم کو گرفتار کرکے اسلحہ بھی برآمدکرلیا۔

پولیس کے مطابق مقتول امید اللہ بیوی بچوں کے ساتھ اپنے والد نعمت اللہ کے گھر میں ہی رہتا تھا جب کہ ملزم اعجاز ائیرپورٹ کے علاقے میں رہتا تھا، ملزم نے پستول پر سائلنسر لگایا ہوا تھا۔دوسری جانب کراچی کے علاقے لانڈھی 6 نمبر کے قریب فائرنگ سے ایک شخص جاں بحق ہوگیا جسے پولیس نے ذاتی دشمنی کا واقعہ قرار دے دیا۔ادھر شاہ لطیف ٹاؤن عبداللہ گوٹھ کے قریب جھگڑے کے دوران فائرنگ سے ایک شخص جاں بحق ہوگیا۔