کراچی، مشتعل شہریوں کے تشدد سے ڈاکو ہلاک جبکہ دو زخمی ہوگئے

جمعرات 7 اگست 2025 16:35

کراچی(اُردو پوائنٹ اخبارتازہ ترین - این این آئی۔ 07 اگست2025ء)کراچی کے علاقے اورنگی ٹائون میں مشتعل شہریوں کے تشدد سے ایک ڈاکو ہلاک جبکہ دو زخمی ہوگئے۔اورنگی ٹائون کے علاقے سیکٹر 8 میں شہریوں نے 3 ڈاکوئوں کو لوٹ مار کرنے کے الزام میں پکڑ کر بہیمانہ تشدد کا نشانہ بنا ڈالا جس کے نتیجے میں تینوں ڈاکو شدید زخمی ہوگئے جن میں سے ایک ڈاکو ہلاک ہوگیا۔

(جاری ہے)

پولیس حکام کے مطابق ہلاک ہونے والے ڈاکو کی شناخت سلیمان کے نام سے کی گئی جبکہ شدید زخمی دونوں ڈاکووں کے نام اسد اور عدنان معلوم ہوئے ہیں۔ابتدائی تحقیقات میں واقعہ شہری سے لوٹ مار کے دوران مزاحمت پر پیش آیا جس میں ڈاکووں نے شہری کو سر پر پستول کے بٹ مار کر زخمی کیا جو کہ اورنگی ٹاون میں قائم قطر اسپتال سے طبی امداد کے بعد چلا گیا جبکہ ڈاکووں کے قبضے سے 2 پستول اور موٹر سائیکل برآمد ہوئی ہے۔