سفاری و لاہور زو کیلئے جنوبی افریقہ سے 12 زرافے پاکستان لانے کی تیاری

جمعرات 7 اگست 2025 17:17

لاہور (اُردو پوائنٹ اخبارتازہ ترین - این این آئی۔ 07 اگست2025ء) جنوبی افریقہ سے 12زرافوں کی بڑی کھیپ جلد پاکستان پہنچے گی، زرافوں کو ڈائریکٹ لانے کے لئے ایئر لائن سے بات چیت جاری ہے۔

(جاری ہے)

ڈائریکٹر زو مدثر حسن نے کہا ہے کہ پاکستان پہنچنے پر زرافوں کو 15دن سے ایک ماہ تک قرنطینہ میں رکھ کر جائزہ لیا جائے گا، 12زرافوں میں سے 9سفاری زو اور 3کو چڑیا گھر لاہور منتقل کیا جائے گا۔انہوں نے کہا کہ پنجاب حکومت نے منصوبے کے لئے 13کروڑ 50لاکھ روپے کے فنڈز جاری کئے تھے، اس سے پہلے 2018ء میں چڑیا گھر کے لئے 3زرافے جنوبی افریقہ سے ہی منگوائے گئے تھے۔مدثر حسن نے کہا کہ سفاری زو کے لئے دیگر بڑے جانور اور ہاتھی منگوانے کے کیسز کی پیروی بھی کی جا رہی ہے۔