وفاقی وزیر ڈاکٹر طارق فضل کا میجر طفیل محمد شہید کو ان کے 67 یوں شہادت پر خراج عقیدت

جمعہ 8 اگست 2025 18:38

اسلام آباد (اُردو پوائنٹ اخبارتازہ ترین - این این آئی۔ 08 اگست2025ء)وفاقی وزیر پارلیمانی امور ڈاکٹر طارق نے میجر طفیل محمد شہید (نشان حیدر)کے 67 ویں یوم شہادت پر خراج عقیدت پیش کیا ہے ۔

(جاری ہے)

وزارت پارلیمانی امور کی جانب سے جمعہ کوجاری اپنے پیغام میں وفاقی وزیر نے کہا کہ میجر طفیل محمد شہید نے شدید زخمی ہونے کے باوجود دشمن کا مقابلہ جاری رکھا اور جس طریقے سے لکشمی پور سے دشمن کی فوجوں کو پسپا کیا ،وہ ہم سب کے لئے قابل فخر ہے۔

ڈاکٹر طارق فضل چوہدری نے کہا کہ آج بھی ہمارے جوان شہدا کے نقش قدم پر چلتے ہوئے اسی جذبے سے دہشتگردی سمیت دیگر چینلجز کا مقابلہ کررہے ہیں، مئی 2025 میں جس طرح معرکہ حق میں دشمن کو میدان چھوڑنے پر مجبور کیا گیا اس پر ساری دنیا نے افواج پاکستان کی بہادری کو سراہا ہے۔