نصرت فتح علی خان کی28ویں برسی 16اگست کو منائی جائیگی

گلوکار نے بطور قوال دم مست قلند مست مست سے ملک گیر شہرت حاصل کیا

ہفتہ 9 اگست 2025 10:50

لاہور(اُردو پوائنٹ اخبارتازہ ترین - این این آئی۔ 09 اگست2025ء) پاکستانی گلوکارنصرت فتح علی خان کی28ویں برسی 16اگست کو منائی جائے گی ،اس سلسلے میں فلمی حلقوں میں مختلف تقریبات کا اہتمام کیا جائے گا ،جس میں نصرت فتح علی خان کی فنی خدمات کو خراج عقیدت پیش کیا جائے گا ۔

(جاری ہے)

نصرت فتح علی خان13اکتوبر 1948ء کو فیصل آباد میں پیدا ہوئے ،والد استاد فتح علی خان اور چچا استاد مبارک علی خان اپنے دور کے مشہور قوال تھے۔

نصرت فتح علی خان نے بھی بطور قوال دم مست قلند مست مست سے ملک گیر شہرت حاصل کی ۔انہوں نے قوالی کی صنف میں مغربی انداز متعارف کروایا، جسے دنیا بھر میں بھرپور پزیرائی حاصل ہوئی ۔نصرت فتح علی خان پاکستان سمیت دنیا بھر میں مقبول تھے ۔ان کی وفات سے گلوکاری کے میدان میں پیدا ہونے والا خلا ء مدتوں پورا نہ ہو سکے گا ۔