ملک کے مختلف آبی ذخائر سے پانی کا اخراج 3 لاکھ 6 ہزار 800 کیوسک ،پانی کی آمد 3 لاکھ 18 ہزار 200 کیوسک ہے، ارسا

ہفتہ 9 اگست 2025 16:03

اسلام آباد (اُردو پوائنٹ اخبارتازہ ترین - اے پی پی۔ 09 اگست2025ء) انڈس ریور سسٹم اتھارٹی (ارسا) کی جانب سے ہفتہ کو ملک کے مختلف آبی ذخائر سے 3 لاکھ 6 ہزار 800 کیوسک پانی کا اخراج کیا گیا جبکہ پانی کی آمد 3 لاکھ 18 ہزار 200 کیوسک رہی ہے۔ ارسا کے مطابق دریائے سندھ پر تربیلا ڈیم میں پانی کی سطح 1546 فٹ ہے جو ڈیم کے 1402 فٹ ڈیڈ لیول سے 144 فٹ بلند ہے۔ ڈیم میں پانی کی آمد 2 لاکھ 5 ہزار 300 کیوسک جبکہ اخراج 2 لاکھ 4 ہزار 900 کیوسک ریکارڈ کیا گیا ہے۔

(جاری ہے)

اسی طرح دریائے جہلم پر منگلا ڈیم میں پانی کی سطح 1205.25 فٹ ہے جو اس کے ڈیڈ لیول 1050 فٹ سے 155.25 فٹ بلند ہے۔ منگلا ڈیم میں پانی کی آمد 18 ہزار 900 کیوسک جبکہ پانی کا اخراج 7 ہزار 300 کیوسک ہے۔ ارساکے مطابق کالا باغ ، تونسہ، گڈو اور سکھر کے مقامات پر پانی کا اخراج بالترتیب 2 لاکھ 73 ہزار 100 کیوسک، ایک لاکھ 67 ہزار 300 کیوسک، ایک لاکھ 60 ہزار 500 کیوسک اور ایک لاکھ 2 ہزار 800 کیوسک ہے جبکہ دریائے کابل پر نوشہرہ کے مقام پر پانی کا اخراج 30 ہزار 400 کیوسک اور دریائے چناب میں مرالہ کے مقام پر پانی کا اخراج 33 ہزار 600 کیوسک ریکارڈ کیا گیا ہے۔