ژوب میں سکیورٹی فورسز کی بڑی کارروائی، بھارتی حمایت یافتہ 14 خوارج ہلاک

ہفتہ 9 اگست 2025 17:12

راولپنڈی (اُردو پوائنٹ اخبارتازہ ترین - اے پی پی۔ 09 اگست2025ء) سکیورٹی فورسز نےبلوچستان کے ضلع ژوب میں پاک افغان سرحد کےقریب کارروائی کے دوران بھارتی حمایت یافتہ 14 خوارج کوہلاک کردیا۔ہفتہ کو آئی ایس پی آر کی جانب سے جاری بیان کےمطابق سکیورٹی فورسز نے7 اور 8 اگست کے دوران بلوچستان کے ضلع ژوب کے علاقے سمبازہ میں کامیاب کارروائی کے دوران 33 خوارج کو جہنم واصل کردیا۔

(جاری ہے)

8 اور 9 اگست کی درمیانی شب پاکستان افغانستان سرحد کے ساتھ سمبازہ کے آس پاس کے علاقوں میں سینیٹائزیشن آپریشن کیا گیا۔آپریشن کے دوران مزید 14 بھارتی حمایت یافتہ خوارج کو کامیابی سے ہلاک کردیا گیا ۔ہلاک ہونے والے خوارج سے اسلحہ، گولہ بارود اور دھماکہ خیز مواد بھی برآمد ہوا ہے۔دراندازی کے خلاف دو روزہ کارروائی میں ہلاک ہونے والے خوارج کی تعداد 47 ہو گئی۔سکیورٹی فورسز ملک کی سرحدوں کو محفوظ بنانے اور پاکستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔