مقامی کاٹن مارکیٹ میں گزشتہ ہفتے کے دوران روئی کے بھاؤ میں اتارچڑھا رہا

کراچی کاٹن ایسوسی ایشن کی اسپاٹ ریٹ کمیٹی نے اسپاٹ ریٹ فی من 16300 روپے پر بند کیا

ہفتہ 9 اگست 2025 17:16

کراچی (اُردو پوائنٹ اخبارتازہ ترین - این این آئی۔ 09 اگست2025ء)مقامی کاٹن مارکیٹ میں گزشتہ ہفتے کے دوران موسمی حالات کی وجہ سے پھٹی کی کم رسد کی وجہ سے کئی جننگ فیکٹریاں جزوی طور پر چل رہی ہیں جس کی وجہ سے روئی کی پیداوار نسبتا کم ہو رہی ہے جس وجہ سے جنرز اضطراب میں ہے کیونکہ سیزن نسبتا طویل ہوتی نظر آرہی ہے۔ ہفتہ کے دوران روئی کے بھاؤ میں تقریبا 1000 روپے کا اتار چڑھا ہوا۔

پاکستان کاٹن جنرز ایسوسی ایشن نے 31 جولائی تک کپاس کی پیداوار کی اعداد و شمار جاری کیے ہیں جس کے مطابق گزشتہ سال کے اسی عرصے کے نسبت تقریبا 30 فیصد کم پیداوار ہوئی ہے۔ پاکستان بزنس کونسل PBC نے حکومت سے مطالبہ کیا ہے کہ روئی یارن اور کپڑے پر 18 فیصد سیلز ٹیکس عائد کیا ہے اس پر نظر ثانی کی جائے۔

(جاری ہے)

APTMA, FPCCI, PCGA اور PBF کی دیرینہ کاوشوں کی وجہ سے حکومت نے درآمدی روئی یارن اور کپڑے پر 18 فیصد سیلز ٹیکس عائد کیا ہے اس کے بعد مقامی روئی کے بھا میں اضافے کا رجحان ہے دوسری جانب کپاس کے کاشتکاروں کا کہنا ہے کہ Input مہنگی ہونے کی وجہ سے فی الحال پھٹی کے ریٹ پر انہیں نقصان ہو رہا ہے۔

صوبہ سندھ میں روئی کا بھاؤ فی من 16000 تا 16400 روپے رہا پھٹی کا بھاؤ 6500 تھا 7500 روپے رہا۔ صوبہ پنجاب میں روئی کا بھاؤ فی من 16000 کا 16500 روپے جبکہ پھٹی کا بھاؤ 6800 تھا 7500 روپے رہا۔ صوبہ بلوچستان میں روئی کا بھاؤ 16000 کا 16300 روپے پھٹی کا بھاؤ 6800 تھا 7400 روپے رہا۔کراچی کاٹن ایسوسی ایشن کی اسپاٹ ریٹ کمیٹی نے اسپاٹ ریٹ فی من 16300 روپے پر بند کیا۔کراچی کاٹن بروکرز فورم کے چیئرمین نسیم عثمان نے بتایا کہ بین الاقوامی کاٹن میں ملا جلا رجحان ہے۔ نیویارک کاٹن کے وعدے کا بھا ؤفی پانڈ 66 تا 70 امریکن سینٹ کے درمیان رہا۔ USDA کی ہفتہ وار برامدی اور فروخت رپورٹ کے مطابق سال 2024-25 کے لیے 39 ہزار 100 گانٹھوں کی فروخت ہوئی۔