qپہلا خیبر پختونخوایوتھ جوجتسو چیمپئن شپ پشاور نے جیت لی

اتوار 10 اگست 2025 19:00

د*پشاور(اُردو پوائنٹ اخبارتازہ ترین - آن لائن۔ 10 اگست2025ء) پہلا خیبر پختونخوا مین اینڈ ویمن جو-جِتسو چیمپئن شپ حیات آباد اسپورٹس کمپلیکس پشاور میںاختتام پذیر ہوگئی ، چیمپئن شپ میں صوبے بھر سے 80 سے زائد مردوخواتین کھلاڑیوں نے شرکت کی ، جس میں پشاور نے شاندار کارکردگی کا مظاہرہ کرتے ہوئے پہلی پوزیشن حاصل کی ، مہمان خصوصی اسسٹنٹ ڈائریکٹر اکائونٹس شاہ فیصل نے انعامات تقسیم کئے، ان کے ہمراہ خیبرپختونخوا جوجتسو ایسوسی ایشن کے صدر تحسین الله، سیکرٹری نعیم جان سمیت دیگراہم شخصیات موجود تھیں ، صوبائی ایسوسی ایشن کے زیراہتمام پہلا خیبرپختونخوا میل وفمیل یوتھ جوجتسو چیمپئن شپ کا باضابطہ افتتاح ایڈمنسٹریٹر حیات آباد سپورٹس کمپلیکس عابد آفریدی نے کیا ۔

دوروزہ مقابلوں میں خواتین کیٹگریز میں -48 کلوگرامیں عظمہ ،-52 کلوگرام میں لائبہ،-57 کلوگرام میںعائشہ،-63 کلوگرام میںبشریٰ نے پہلی پوزیشن حاصل کی جبکہ مردوں کے مقابلوں میں -48 کلوگرام میں حماد،-56 کلوگرام میںسیف اللہ،-59 کلوگرام میں سلمان خان،-62 کلوگرام میں سید فیصل ،-85 کلوگرام میں حبیب نے پہلی پوزیشن حاصل کی ، ججز کے فرائض اللہ گل، عامر، زوہیب اور عبدالصمد نے سر انجام دیے، اختتامی تقریب میں مہمانِ خصوصی ڈائریکٹر اکاؤنٹس پشاور اسپورٹس کمپلیکس، شاہ فیصل نے کامیاب کھلاڑیوں میں میڈلز اور تعریفی اسناد تقسیم کیں۔

(جاری ہے)

یہ ایونٹ نہ صرف کھلاڑیوں کے لیے اپنی صلاحیتوں کو نکھارنے کا موقع ثابت ہوا بلکہ خیبر پختونخوا میں مارشل آرٹس کے فروغ میں ایک اہم سنگ میل بھی قرار دیا جا رہا ہے۔ پروگرام کے آخر میں صدر جوجسٹو ایسوسی ایشن تحسین اللہ نے کہاں کے اس ایونٹ کا مقصد پورے کے پی سے بہترین کھیلاڈیوں کا انتخاب تھا جو آئندہ ما ہ اسلام اباد میں یوتھ گیمز میں خیبر پختونخواہ کی نمائندگی کرے گے

Facebook Twitter Google + Share on Whatsapp

qپہلا خیبر پختونخوایوتھ جوجتسو چیمپئن شپ پشاور نے جیت لی

متعلقہ عنوان :

مزید اہم خبریں