Live Updates

ف* وزیر اطلاعات نے اسد قیصر کی پریس کانفرنس حقائق کے منافی ، گمراہ کن قرار دیدی

۶ عوام کو گمراہ کرنے کی کوشش کی ایسے بیانات کسی بھی طور عوام اور ملک کے حق میں نہیں ،پاکستان کی معیشت مستحکم ہورہی ہے ، ترسیلات زر 38 ارب ڈالر تک پہنچ چکی، کرنٹ اکاؤنٹ سرپلس 2.1 ارب ڈالر ہو گیا ، مہنگائی میں کمی آ رہی ہے،عطاء اللہ تارڑ

اتوار 10 اگست 2025 20:25

اسلام آباد(اُردو پوائنٹ اخبارتازہ ترین - آن لائن۔ 10 اگست2025ء)وفاقی وزیر اطلاعات عطا تارڑ نے کہا ہے کہ اسد قیصر کی پریس کانفرنس حقائق کے منافی اورگمراہ کن ہے ،اسد قیصر نے عوام کو گمراہ کرنے کی کوشش کی ایسے بیانات کسی بھی طور عوام اور ملک کے حق میں نہیں ،پاکستان کی معیشت مستحکم ہورہی ہے ، ترسیلات زر 38 ارب ڈالر تک پہنچ چکی ہیں، کرنٹ اکاؤنٹ سرپلس 2.1 ارب ڈالر ہو گیا ہے، اور مہنگائی میں کمی آ رہی ہے۔

اسد قیصر کی پریس کانفرنس پر ردعمل دیتے ہوئے عطاء اللہ تارڑ نے کہا کہ ااٴْن کے گمراہ کن بیانات عوام کے حق میں نہیں ہیں۔ انہوں نے اس موقع پر ملکی معیشت کے مختلف شعبوں میں ہونے والی ترقی کی تفصیلات پیش کیں اور واضح کیا کہ پاکستان کی معیشت مستحکم ہو رہی ہے ان کے بیانات عوام کو گمراہ کر رہے ہیں۔

(جاری ہے)

انہوں نے اس موقع پر ملکی معیشت کی بہتری کو اجاگر کرتے ہوئے بتایا کہ ترسیلات زر 38 ارب ڈالر تک پہنچ چکی ہیں، کرنٹ اکاؤنٹ سرپلس 2.1 ارب ڈالر ہو گیا ہے، اور مہنگائی میں کمی آ رہی ہے۔

عطا تارڑ نے کہا کہ برآمدات میں اضافہ ہو رہا ہے، اسٹاک مارکیٹ مسلسل اوپر جا رہی ہے اور معیشت ترقی کر رہی ہے۔ انہوں نے اسد قیصر سے سوال کیا، ’’کیا آپ کو یہ حقیقتیں قبول نہیں ہیں ‘‘وزیر اطلاعات نے 9 مئی کے واقعات پر بات کرتے ہوئے کہا کہ اس دن ایک سازش رچائی گئی تھی جس کے دوران ریاستی اداروں پر حملے کیے گئے۔عطا تارڑ نے اس سنگین جرم پر قانون کے مطابق سزائیں سنائے جانے کا دفاع کرتے ہوئے کہا کہ ان تمام سزاؤں کے فیصلے شفاف اور فیئر ٹرائل کے بعد کیے گئے ہیں۔