آزادی اور قربانی کی کہانی، ہیروزآف پاکستان کی زبانی

جدوجہدِ آزادی کا حصہ بننے والے آزاد کشمیر کے ہیرو محمد صادق خان کا جذبات کا اظہا

پیر 11 اگست 2025 12:32

مظفرآباد(اُردو پوائنٹ اخبارتازہ ترین - این این آئی۔ 11 اگست2025ء)پاکستان کی کہانی اُن لوگوں کی زبانی جنہوں نے آزادی کی قیمت قربانیاں دے کر چکائی۔یوم آزادی کے موقع پر آزاد جموں و کشمیر سے تعلق رکھنے والے انجینئر محمد صادق خان سے خصوصی ملاقات کی گئی۔آزاد کشمیر کے ہیرو محمد صادق خان، جدوجہدِ آزادی کا حصہ رہ چکے ہیں۔

(جاری ہے)

انجینئر محمد صادق خان کا کہنا تھا کہ ہم جانتے تھے کہ ایک ملک ایسا بنا ہے جہاں ’’لا الہ الا اللہ محمد رسول اللہ‘‘ قانون ہوگا، کشمیر کو آزاد کروانے والوں کا نظریہ بھی یہی تھا کہ یہ ملک اسلامی ہو۔

انجینئر محمد صادق خان نے کہا کہ اسلام کے نام پر ملک بننے کے بعد ہندوؤں کے ساتھ رہنے کا کوئی جواز نہ رہا، پاکستان بننے کی خبر ملتے ہی ہندوؤں نے مسلمانوں کو ختم کرنے کا منصوبہ بنایا۔ پاکستان نے ہمیں جو آزادی دی، وہ کسی دوسری قوم کو حاصل نہیں ہوئی۔یوم آزادی کے موقع پر جدوجہد آزادی کے ہیروز کو پوری قوم کا سلام ہے۔