بہاولپور ڈویژن کے طلبہ کا چولستان میں گرین پاکستان انیشی ایٹو کے منصوبوں کا دورہ

طلبہ و طالبات نے اس بات پر خوشی کا اظہار کیا کہ انہیں لسانی، فکری اور سائنسی لحاظ سے سیکھنے کا موقع ملا

پیر 11 اگست 2025 12:32

بہاولپور(اُردو پوائنٹ اخبارتازہ ترین - این این آئی۔ 11 اگست2025ء)آرمی یوتھ انگیجمنٹ پروگرام کے تحت بہاولپور ڈویژن سے تعلق رکھنے والے طلبہ و طالبات پر مشتمل وفد نے چولستان میں گرین پاکستان انیشی ایٹو کے تحت جاری مختلف منصوبوں کا دورہ کیا۔وفد کے اراکین نے شجرکاری کے مقامات، جدید آبپاشی نظام اور ماحول دوست ترقیاتی منصوبوں کا قریب سے مشاہدہ کیا۔

(جاری ہے)

اس موقع پر طلبہ و طالبات نے مقامی ماہرین سے تبادلہ خیال کرتے ہوئے منصوبوں کی تکنیکی اور ماحولیاتی تفصیلات سے آگاہی حاصل کی۔ شرکا نے ان منصوبوں کو پاکستان کے سبز اور پائیدار مستقبل کے لیے نہایت اہم قرار دیا۔طلبہ و طالبات نے اس بات پر خوشی کا اظہار کیا کہ انہیں لسانی، فکری اور سائنسی لحاظ سے سیکھنے کا موقع ملا، جس سے نہ صرف ان کا علم بڑھا بلکہ ماحولیاتی چیلنجز کے حل کے بارے میں ان کی سوچ بھی مزید نکھری۔انہوں نے پاک فوج اور حکومتِ پاکستان کے اس منصوبے میں کردار کو سراہتے ہوئے کہا کہ یہ ایک شاندار قومی خدمت کی مثال ہے جو آنے والی نسلوں کے لیے ایک مثبت ورثہ ثابت ہوگی۔