یوم آزادی شب،پشاور کے کرنل شیر خان اسٹیڈیم ( آرمی اسٹیڈیم ) میں جشن آزادی پاکستان کنسرٹ تقریب کا اہتمام

پشاور(اُردو پوائنٹ اخبارتازہ ترین - آن لائن۔ 12 اگست2025ء)یوم آزادی شب 13 اگست کی رات کو جشن پاکستان کے سلسلے میں صوبائی دارالحکومت پشاور کے کرنل شیر خان اسٹیڈیم ( آرمی اسٹیڈیم ) پشاور میں رات 8 بجے سے 12 بجے تک جشن آزادی پاکستان کنسرٹ تقریب کا اہتمام کیا گیا ہے جس میں پاکستان کے نامور گلوکار اپنے فن کا مظاہرہ کرینگے، اس کے علاوہ روایتی کھانوں کے فوڈ اسٹالز بھی لگائے جائیں گے، موسیقی کے پروگرام کے دوران رات 12 بجتے ہی شاندار آتش بازی کا مظاہرہ کیا جائے گا تقریب میں عوام اور فیملیز کا داخلہ مفت بزریعہ رجسٹریشن ہوگا رجسٹریشن کے لیے صوبائی دارالحکومت پشاور کے دس مقامات کا تعین کیا گیا ہے جس میں شناختی کارڈ کے ذریعے رجسٹریشن کی جائے گی جشن آزادی پاکستان کنسرٹ میں زیادہ سے زیادہ عوام کی شرکت، تقریب کی سیکورٹی اور انتظامات کو حتمی شکل دینے کے حوالے سے کمشنر پشاور ڈویڑن ریاض خان محسود اور کمانڈر 102 بریگیڈ علی اصغر خان کی زیر صدارت اہم اجلاس منعقد ہوا جس میں پشاور ڈویڑن کے تمام پانچوں اضلاع پشاور، نوشہرہ، چارسدہ، قبائلی ضلع مہمند اور ضلع خیبر کے ڈپٹی کمشنرز، میئر پشاور حاجی زبیر علی، ڈائریکٹر جنرل پشاور ڈیولپمنٹ اتھارٹی شاہ فہد، بلدیاتی حکام اور پشاور کے تمام تاجر تنظیموں کے نمائندوں نے شرکت کی اجلاس میں شرکائ کو جشن آزادی پاکستان کنسرٹ کے انعقاد کے حوالے سے تفصیلی آگاہی دی گئی جبکہ پشاور ڈویڑن کے تمام پانچوں اضلاع کے ڈپٹی کمشنرز نے اپنے اپنے اضلاع میں جشن آزادی شایان شان طریقے سے منانے کے حوالے سے تفصیلی آگاہی دی اجلاس میں جشن آزادی پاکستان کنسرٹ میں زیادہ سے زیادہ عوام کی شرکت یقینی بنانے کے لیے اپنی سطح پر اقدامات کی ہدایات جاری کیے گئے اور ان کو اعتماد میں لیا گیا اجلاس سے خطاب کرتے ہوئے کمشنر پشاور ڈویڑن ریاض خان محسود نے کہا کہ امسال جشن آذادی معرکہ حق شایان شان طریقے سے منائی جائے گی اور جشن آزادی کے موقع پر ملی وحدت اور یکجہتی کا مظاہرہ کیا جائے گا انہوں نے جشن آزادی پاکستان کنسرٹ کو کامیاب بنانے اور زیادہ سے زیادہ عوام کو رجسٹریشن کے زریعے کنسرٹ میں شرکت کی درخواست کی رجسٹریشن کے لیے درج ذیل دس مقامات کا تعین کیا گیا ہے