قیام پاکستان میں علماکا کلیدی کردار تھا، استحکامِ پاکستان میں بھی اپنا موثرکردار ادا کریں گے،مولانا نورالحق

بدھ 13 اگست 2025 22:41

کراچی (اُردو پوائنٹ اخبارتازہ ترین - این این آئی۔ 13 اگست2025ء)جمعیت علمااسلام ضلع جنوبی کراچی کے امیر شیخ الحدیث مولانا نورالحق نے کہا ہے کہ پاکستان کے قیام میں علماکا کلیدی کردار تھا،استحکامِ پاکستان میں بھی علماو اہل مدارس اپنا موثر کردارادا کریں گے،یومِ آزادی کے موقع پرجے یو آئی کے تحت ضلع جنوبی میں پرچم کشائی کی پروقار تقریبات کا انعقاد کیا جائے گا،جے یو آئی ضلع جنوبی کراچی کی مجلس عمومی کا دستوری اجلاس امین مسجد ہجرت کالونی میں صدر ٹائون کے امیرمولانا نورالرحمن صدیقی کی میزبانی میں منعقد ہوا،اجلاس کی صدارت ضلعی امیر مولانا نورالحق نے کی، جس میں مجلس عمومی کے اراکین کی بڑی تعداد شریک ہوئی۔

اجلاس کا آغاز قاری محمد رمضان سومرو کی تلاوتِ کلامِ پاک سے ہوا، جنرل سیکرٹری عبد الحق مخلص نے اجلاس کا ایجنڈا پیش کیا، مولانا نورالحق نے موجودہ تنظیمی صورتِ حال، علاقائی حالات اور تنظیمی چیلنجز پر تفصیلی روشنی ڈالی اور آئندہ کے لائحہ عمل سے شرکاکو آگاہ کیا۔

(جاری ہے)

اس موقع پر صدر ٹائون کے امیر مولانا نورالرحمن صدیقی، لیاری ٹاو ن کے امیر مولانا عبداللہ بلوچ اورکلفٹن ٹائون کے جنرل سیکرٹری و ضلعی نائب امیر سید لقمان شاہ نے بھی تنظیمی کارکردگی بہتر بنانے کے لیے تجاویز پیش کیں،اجلاس میں مرکزی مجلس شوری کے رکن و ضلعی سرپرست مفتی محمد حسن لانگاہ، سرپرست قاری نورالامین، سینئر نائب امیر مفتی عبد الخالق سولنگی، نائب امرا سید عبیداللہ شاہ ،مولانا عبد الوکیل، ڈپٹی سیکرٹری جنرل مولانا نصیراللہ چغرزئی، ناظم ڈاکٹرمذمبرخان، مفتی زبیر ولی، مولانا عیسی، سالارمولانا نوید بلوچ، ناظم مالیات عبد الوحید سولنگی،معاونین عبدالقیوم،خلیل بلوچ، بزنس فورم کے کنوینراخترجاوید، لائیرزونگ کے منصوربجارانی ایڈوکیٹ،نوجوانان فورم کے کنوینر عادل بلیدی، ڈیجیٹل میڈیا کوآرڈینیٹرعمرفاروق، ناظم مولانا نسیم حجازی سمیت دیگر ذمہ داران شریک تھے،اجلاس کے اختتام پر تمام ذمہ داران کو اپنے اپنے شعبہ جات مزید فعال اور مربوط بنانے کی خصوصی ہدایات دی گئیں اورآئندہ کی حکمت عملی پر اتفاق کیا گیا۔