Live Updates

پاکستان ہماری شان اور افواج پاکستان ہمارا مان ہیں،صوبائی پارلیمانی سیکرٹری ملک افتخار

بدھ 13 اگست 2025 20:50

راولپنڈی (اُردو پوائنٹ اخبارتازہ ترین - اے پی پی۔ 13 اگست2025ء) پاکستان مسلم لیگ کے سینئر رہنما و رکن صوبائی پارلیمانی سیکرٹری پنجاب ملک افتخار کا کہنا ہے کہ پاکستان ہماری شان اور افواج پاکستان ہمارا مان ہیں پاکستان کے لئے ہماری جان بھی قربان ہے۔یہ بات انہوں نے بدھ کو راولپنڈی صدرکے تجارتی مرکز میں منعقد یوم آزادی کے حوالے سے منعقد تقریب سے خطاب کرتے ہوئے کی۔

(جاری ہے)

اس موقع سر پرست اعلیٰ اسلام گروپ لیڈر فرمان خان ، چیئرمین شیخ محمد سجاد ،صدر مشتاق خان ،جنرل سیکرٹری وجیہہ الدین خان ،سینئر نائب صدر عمران کیانی ،چوہدری خرم ،وائس چیئرمین شیخ ذیشان اور عمران خان بھی موجود تھے۔وائس چیئرمین مرکزی تاجران راولپنڈی کینٹ ذیشان شیخ کا کہنا ہے کہ ہماری افواج ہمارا مان ہیں، آزادی سے تحفظ تک کے سفر میں ہمارے بزرگوں نے یہ ملک بے پناہ قربانیوں سے حاصل کیا ہے ۔انہوں نے کہاکہ پاکستان ہمیشہ قائم دائم رہے گا ،بھارت کو شکست دینے کے بعد دنیا بھر میں پاکستان کا نام روشن ہوا ہے ،معرکہ حق ایک جیت کے ساتھ ساتھ دشمن کے لئے سبق بھی ہے۔
Live عمران خان سے متعلق تازہ ترین معلومات