پاکستا ن کے جشن آزدی پر کل جماعتی حریت کانفرنس کی مبارکباد

پاکستان قائدِ اعظم اور برصغیر کے مسلمانوں کی انتھک کوششوں سے وجود میں آیا تھا،ترجمان

جمعرات 14 اگست 2025 15:49

سری نگر(اُردو پوائنٹ اخبارتازہ ترین - این این آئی۔ 14 اگست2025ء)آل پارٹیز حریت کانفرنس نے پاکستانی قوم اور حکومتِ پاکستان کو یومِ آزادی پر مبارکباد پیش کی ہے۔کشمیر میڈیا سروس کے مطابق آل پارٹیز حریت کانفرنس کے ترجمان عبدالرشید منہاس نے اپنے بیان میں کہا کہ ہم پاکستانی قوم کو مبارکباد پیش کرتے ہیں۔

(جاری ہے)

ترجمان آل پارٹیز حریت کانفرنس نے مزید کہا کہ پاکستان قائدِ اعظم اور برصغیر کے مسلمانوں کی انتھک کوششوں کے نتیجے میں رمضان کے مبارک مہینے میں وجود میں آیا تھا۔انہوں نے کہا کہ پاکستان کا قیام اللہ تعالی کا خاص تحفہ ہے۔ پاکستان کشمیری عوام کی سیاسی اور سفارتی حمایت کرتا آیا ہے یہ مسئلہ اقوام متحدہ کی قراردادوں کی روشنی میں آج بھی حل طلب ہے۔