بابر علاؤالدین کی فاروق آباد میں یوم آزادی کی تقریب میں خصوصی شرکت

جمعرات 14 اگست 2025 17:25

لاہور (اُردو پوائنٹ اخبارتازہ ترین - این این آئی۔ 14 اگست2025ء)چیف منسٹر سرویلنس، مانیٹرنگ، ویجیلنس اینڈ کمپلینٹس ڈائریکٹوریٹ کے چیئرپرسن بریگیڈیئر (ر) بابر علاؤالدین نے بسم اللہ مارکی، فاروق آباد میں سید مشتاق شاہ صدر لیبر پنجاب (پی ایم ایل این) کے زیر اہتمام عظیم الشان یوم آزادی کی تقریب میں بطور مہمان خصوصی شرکت کی۔ جہاں ڈھول کی تھاپ اور گھوڑوں کے ڈانس کے ساتھ ساتھ پھولوں کی پتیاں نچھاور کر کے ان کا استقبال کیا گیا۔

(جاری ہے)

پاکستان کے یوم آزادی کی تقریبات کے سلسلے میں منعقد ہونے والی تقریب میں بیرسٹر مجتبیٰ جمال، سابق ایم پی اے چوہدری نثار سمیت معززین نے شرکت کی۔ سجاد گجر، میجر نوید اسلم (ر)، سٹاف آفیسر عبدالجبار بھٹی سمیت اعلیٰ سیاسی شخصیات، سرکاری افسران اور مختلف شعبہ ہائے زندگی سے تعلق رکھنے والے شہریوں کی بڑی تعداد نے شرکت کی۔بریگیڈیئر بابر علاؤالدین نے اپنے خطاب میں قوم کے آباؤ اجداد کی قربانیوں کو زبردست خراج تحسین پیش کیا اور پاکستان کی ترقی کے لیے اتحاد، حب الوطنی اور عوامی خدمت کی اہمیت کو اجاگر کیا۔ انہوں نے اس بات پر زور دیا کہ یوم آزادی ملک کی ترقی اور فلاح و بہبود کے حوالے سے ہماری ذمہ داریوں کی یاد دہانی کے طور پر کام کرتا ہے۔