Live Updates

aشا نگلہ گردونواح میں مون سون بارش کا سلسلہ جاری

qمسلسل بارشوں سے موسم ٹھنڈا ہو گیا ہے ،امنوی خوڑ میں بارش کے بعد طغیانی ۔نیچلے درجے کا سیلاب ۔مین سڑکوں میں سلائیڈنگ۔چکیسر کروڑہ سلائڈ کا ملبہ پھر مین سڑک پر جاگرا ٹریفک کی روانی مشکلات

جمعرات 14 اگست 2025 18:20

۔ شانگلہ(اُردو پوائنٹ اخبارتازہ ترین - آن لائن۔ 14 اگست2025ء)شا نگلہ گردونواح میں مون سون بارش کا سلسلہ جاری ،مسلسل بارشوں سے موسم ٹھنڈا ہو گیا ہے ،امنوی خوڑ میں بارش کے بعد طغیانی ۔نیچلے درجے کا سیلاب ۔مین سڑکوں میں سلائیڈنگ۔چکیسر کروڑہ سلائڈ کا ملبہ پھر مین سڑک پر جاگرا ٹریفک کی روانی مشکلات۔ مقامی پن بجلی گھروں کے مین واٹر چینل سیلاب کی نذر۔

مقامی پن بجلی گھروں کی بجلی معطل رہی ۔سینکڑوں سیاحوں کا شانگلہ امد جاری سیاح موسم سے لطف اندوز ہورہے ہیں۔

(جاری ہے)

یخ تنگی مالم جبہ اور دیگر سیاحتی مقامت پر سیاحوں رش بڑھ گیا ہے ۔ شانگلہ بھر اور مضافاتی علاقوں میں مون سون کا سلسلہ بدستور جاری ہے،مسلسل بارشوں سے مین سڑکوں سمیت لنک روڈوں پر بھی جگہ جگہ سلائیڈنگ ہوئی ہے جس سے ٹریفک کی روانی میں شدید مشکلات کا سامنا ہے،موسم خوشگوار ہوگیاہے اور سینکڑوں سیاحوں نے وادی شانگلہ کا رخ کردیا،ادھر مسلسل بارشوں سے گزشتہ روز امنوی خوڑ میں طغیانی کی وجہ سے مقامی پن بجلی گھروں کا نظام شدید متاثر ہوگیا،محکمہ موسمیات نے مزید بارشیں ہونے کی پیش گوئی کی ہیں۔